UrduLead UrduLead
Related Articles
پاکستان نے تیسرے ٹی ٹوئنٹی میچ میں ویسٹ انڈیز کو شکست دے کر سیریز اپنے نام کر لی
190 رنز کے ہدف کے جواب میں ویسٹ انڈیز کی ٹیم 6 وکٹوں کے نقصان پر 176 رنز بنا سکی۔
ویسٹ انڈیز کی جانب سے نمایاں سکور کرنے والوں میں ایلک نے 60اور ردرفورڈ نے 51رنز بنائے
پاکستانی بائولر ز میں سے تمام نے ایک ایک وکٹ لی
پاکستان نے پہلے بیٹنگ کرتے ہوئے صائم ایوب اور صاحبزادہ فرحان کی شاندار نصف سنچریوں کی بدولت مقررہ 20 اوورز میں 4 وکٹوں کے نقصان پر 189 رنز اسکور کیے۔
صاحبزادہ فرحان 74 اور صائم ایوب 66 رنز بنا کر نمایاں رہے جبکہ حسن نواز 15 اور محمد حارث 2 رنز بناکر آٹ ہوئے۔ خوشدل شاہ 11 اور فہیم اشرف 10 رنز کے ساتھ ناقابل شکست رہے۔
ویسٹ انڈیز کی جانب سے جیسن ہولڈر، روسٹن چیز اور شمار جوزف نے ایک ایک وکٹ لی۔
اس سے قبل آج پاکستان نے ویسٹ انڈیز کے خلاف تیسرے ٹی ٹوئنٹی میں ٹاس جیت کر پہلے بیٹنگ کا فیصلہ کیا تھا۔
امریکی ریاست فلوریڈا کے شہر لاڈر ہل میں پاکستان اور ویسٹ انڈیز کے درمیان 3 میچز پر مشتمل ٹی ٹوئنٹی سیریز کے فیصلہ کن میچ میں پاکستان کے کپتان سلمان علی آغا نے ٹاس جیتا۔
تیسرے اور آخری ٹی ٹوئنٹی کیلئے پاکستان ٹیم میں 2 تبدیلیاں کی گئی تھیں۔قومی ٹیم میں شاہین آفریدی کی جگہ حارث رف اور فخر زمان کی جگہ خوشدل شاہ کو پلیئنگ الیون میں شامل کیا گیا تھا۔
