UrduLead UrduLead
Related Articles
عمران خان کا اڈیالہ جیل میں طبی معائنہ؛ صحت تسلی بخش قرار
بانی پی ٹی آئی کی بہن علیمہ خان نے کہا ہے کہ عمران خان پر جسمانی تشدد تو نہیں کیا گیا لیکن مینٹل ٹارچر کیا گیا جیسا کہ دیکھا جاسکتا ہے کہ انتظار پنجھوتہ کس حالت میں واپس آئے ہیں۔
یہ بات انہوں ںے عمران خان کے وکیل سلمان اکرم راجہ کے ہمراہ اڈیالہ جیل کے باہر میڈیا سے گفتگو میں کہی۔ انہوں ںے کہا کہ ہمارے ڈاکٹر عاصم نے بانی پی ٹی آئی کا معائنہ کیا، ڈاکٹر نے بتایا کہ بانی پی ٹی آئی صحت مند ہیں لیکن ان کے جسم سے گوشت کم ہوا ہے، بانی پی ٹی آئی پر جسمانی تشدد تو نہیں کیا گیا لیکن مینٹل ٹارچر کیا گیا جیسا کہ دیکھا جاسکتا ہے کہ انتظار پنجھوتہ کس حالت میں واپس آئے ہیں۔
انہوں نے کہا کہ جو قانون سے اوپر جاچکے ہیں وہ سمجھتے ہیں جس پر مرضی ہو تشدد کرو، انتظار پنجوتھہ کا کیا قصور تھا، سب نے اس کی ویڈیو دیکھو، بانی پی ٹی آئی نے کہا کہ ظل شاہ کو قتل کرکے الزام میرے اوپر لگادیا، یہاں عدالتوں میں تفتیشی آفیسر کو کہا جاتا ہے کہ جھوٹ بولیں سزا نہیں ملے گی، اب ساری حکومت جھوٹ بول رہی ہے، پولیس والا کوئی بھی الزام لگادے۔
انہوں ںے کہا کہ عمران خان کا کہنا تھا کہ انصاف کے لیے انقلاب لے کر آئیں جو تماشا انتظار پنجوتھہ کے خلاف کیا گیا وہ کسی کے ساتھ بھی ہوسکتا ہے، جس نے لندن میں احتجاج کیا اس کی فیملی کو پاکستان میں اٹھالیا گیا اب برطانیہ میں انصاف مانگا جائے گا۔
علیمہ خان کا کہنا تھا کہ بانی پی ٹی آئی نے اس موومنٹ کو نیا نام دیا ہے کہ انصاف کے لیے انقلاب ، ہمیں پھر جیل میں ڈال دیا جائے گا، ہم پر ایک مقدمہ 5 تاریخ کا ہے اور چار کو اٹھا لیا تھا، لوگوں کے بچوں کو خوفزدہ کررہے ہیں، ہم نئے چیف جسٹس سے اپیل کرتے ہیں کہ لاقانونیت نہ روکی تو لوگ قانون ہاتھ میں لے لیں گے۔
علیمہ خان نے کہا کہ بانی پی ٹی آئی کی زندگی خطرے میں ہے، وہ ڈیل نہیں کررہے، انھوں نے تین چیزیں مانگی ہیں، جمہوریت، رول آف لا پر کوئی سمجھوتا نہیں ہوگا، ان لوگوں کا بانی پی ٹی آئی کو جیل سے نکالنے کا کوئی ارادہ نہیں ہے، ہمیں خود پُرامن اختجاج کرنا ہوگا، جیلوں میں ڈالیں، ہم آئینی حق ضرور استعمال کریں گے۔
سلمان اکرم راجہ نے کہا کہ قوم سے کہوں گا جب ہم آزادی حاصل کرسکیں گے، ہم ایڑھیاں رگڑ رگڑ کر مر جائیں گے، چادر اور چار دیواری کا کوئی تقدس نہیں ہے، ہم 9 مئی کو صوابی سے ملک گیر احتجاج کا آغاز کریں گے، ہم سب کو باہر آنا ہوگا، یہ جدوجہد بانی پی ٹی آئی کی آزادی پر ختم ہوگی۔
عمران خان کا اڈیالہ جیل میں طبی معائنہ مکمل ہوگیا، جس میں ان کی صحت کو تسلی بخش قرار دیا گیا ہے۔
بانی چیئرمین پی ٹی آئی کے طبی معائنے کے لیے ڈاکٹروں کی 4 رکنی ٹیم اڈیالہ جیل پہنچی۔
معالجین نے عمران خان کی صحت کو تسلی بخش قرار دیا اور معمول کے کچھ مزید ٹیسٹ تجویز کیے۔
عمران خان کے طبی معائنے کی رپورٹ تیار کرکے اسلام آباد ہائی کورٹ میں پیش کی جائے گی۔
پمز اسپتال کے 3 اور شوکت خانم اسپتال کے ڈاکٹر عاصم یونس پر مشتمل چار رکنی ٹیم طبی معائنہ مکمل کرنے کے بعد جیل سے واپس روانہ ہو گئی۔
واضح رہے کہ اسلام آباد ہائی کورٹ نے بانی پی ٹی آئی کے طبی معائنے کے لیے میڈیکل بورڈ تشکیل دینے کی ہدایت کی تھی۔
