UrduLead UrduLead
Related Articles
ڈھاکا میں جاری پہلے ٹیسٹ میچ کے پہلے روز بنگلہ دیش نے محتاط انداز میں بیٹنگ کرتے ہوئے 26 اوورز میں 2 وکٹوں کے نقصان پر 101 رنز بنا لیے ہیں، جبکہ پاکستان نے ابتدائی دو کامیابیاں حاصل کر لی ہیں۔
پاکستانی کپتان شان مسعود نے ٹاس جیت کر پہلے فیلڈنگ کا فیصلہ کیا، تاہم بنگلہ دیشی بلے بازوں نے ابتدائی نقصان کے بعد ذمہ دارانہ کھیل پیش کیا۔ اوپنر شادمان اسلام 13 رنز بنا کر آؤٹ ہوئے جبکہ دوسری وکٹ 31 رنز پر گری۔
اس وقت کپتان نجم الحسین شانتو 39 رنز کے ساتھ وکٹ پر موجود ہیں جبکہ مومن الحق 31 رنز بنا کر ان کا ساتھ دے رہے ہیں۔ دونوں بلے بازوں کے درمیان تیسری وکٹ کے لیے 70 رنز کی شراکت قائم ہو چکی ہے، جس نے بنگلہ دیشی اننگز کو سنبھالا دیا۔
پاکستان کی جانب سے اسپنرز سلمان آغا اور نعمان علی کو بھی جلد اٹیک پر لایا گیا۔ نعمان علی نے ایک اوور میں 5 رنز دیے جبکہ سلمان آغا نے 3 اوورز میں 17 رنز دیے۔
میچ کے ابتدائی سیشن میں بنگلہ دیش نے محتاط انداز اپنایا، تاہم آخری دس اوورز میں رنز کی رفتار میں اضافہ دیکھا گیا جہاں میزبان ٹیم نے 56 رنز اسکور کیے۔
پاکستانی بولرز کو پچ سے محدود مدد مل رہی ہے جبکہ بیٹنگ وکٹ ہونے کے باعث مہمان ٹیم کو مزید وکٹوں کے لیے سخت محنت کرنا پڑ رہی ہے۔ دونوں ٹیموں کے پاس تمام تین ریویوز ابھی باقی ہیں۔
