UrduLead UrduLead
Related Articles
پاکستان سپر لیگ (پی ایس ایل) کی گورننگ کونسل کی ورکنگ کمیٹی نے اہم اجلاس میں پی ایس ایل 11 کے لیے کھلاڑیوں کے آکشن (Player Auction) متعارف کرانے کا فیصلہ کیا ہے۔
ذرائع کے مطابق رات گئے ہونے والے اس اجلاس میں ری ٹینشن کے قواعد بھی طے پا گئے، جبکہ حتمی منظوری چیئرمین پی سی بی محسن نقوی دیں گے۔ ضرورت پڑنے پر مکمل گورننگ کونسل کا اجلاس بھی بلایا جا سکتا ہے۔
ذرائع نے بتایا کہ لاہور قلندرز (ڈیفنڈنگ چیمپئن) نے آکشن کے حق میں ووٹ دیا، جبکہ کوئٹہ گلیڈی ایٹرز، اسلام آباد یونائیٹڈ، کراچی کنگز اور حیدرآباد نے بھی آکشن کی حمایت کی۔
دوسری جانب پشاور زلمی اور سیالکوٹ نے ڈرافٹ آکشن (یا ہائبرڈ ماڈل) کے حق میں رائے دی۔پانچ پرانی فرنچائزز (لاہور، کوئٹہ، اسلام آباد، کراچی، پشاور) نے چار ری ٹینشن پر اتفاق کیا ہے، جن میں ایک برانڈ ایمبیسڈر بھی شامل ہو گا۔
ری ٹینشن ہر کیٹیگری (جیسے پلے ٹینم، ڈائمنڈ وغیرہ) میں ایک ایک کھلاڑی کی بنیاد پر ہو گی۔ ایک کھلاڑی کو نچلی کیٹیگری میں لا کر برانڈ ایمبیسڈر بنایا جا سکتا ہے۔
نئی فرنچائزز (حیدرآباد اور سیالکوٹ) نے زیرو ری ٹینشن پر زور دیا۔ ان کی باقی کھلاڑی پلیئرز پول سے آکشن کے ذریعے حاصل کیے جائیں گے، جہاں تمام فرنچائزز کھلاڑیوں پر بولی لگائیں گی۔
یہ فیصلہ پی ایس ایل کی تاریخ میں ایک بڑی تبدیلی ہے، کیونکہ اب تک زیادہ تر ڈرافٹ سسٹم استعمال ہوتا رہا ہے۔ چیئرمین محسن نقوی نے فرنچائزز کو تجویز دی تھی کہ آکشن سے کھلاڑیوں کو زیادہ فائدہ ہو گا اور ان کی تنخواہوں میں اضافہ ممکن ہو گا۔آ
کشن اور ری ٹینشن کا مکمل فارمولا جلد چیئرمین پی سی بی کو پیش کیا جائے گا، اور اگلے ایک دو دنوں میں سرکاری اعلان متوقع ہے۔ پی ایس ایل 11 26 مارچ 2026 سے شروع ہو گا، جو آٹھ ٹیموں کے ساتھ کھیلی جائے گی۔ی
ہ تبدیلیاں لیگ کو مزید دلچسپ اور مقابلہ آمیز بنانے کے لیے کی جا رہی ہیں، جبکہ نئی ٹیموں کو بھی برابر مواقع دینے پر زور دیا جا رہا ہے۔
