UrduLead UrduLead
Related Articles
وفاقی حکومت نے پیٹرولیم مصنوعات کی نئی قیمتوں کا اعلان کر دیا ہے، جس کے مطابق ہائی اسپیڈ ڈیزل کی قیمت میں 14 روپے فی لیٹر کی کمی کی گئی ہے جبکہ پیٹرول کی قیمت برقرار رکھی گئی ہے۔
نوٹیفکیشن کے مطابق، ڈیزل کی نئی قیمت 265 روپے 65 پیسے فی لیٹر مقرر کی گئی ہے۔ پیٹرول کی قیمت 263 روپے 45 پیسے فی لیٹر پر برقرار ہے۔
اعلامیے میں مزید کہا گیا ہے کہ پیٹرول پر پیٹرولیم لیوی 79 روپے 62 پیسے فی لیٹر جبکہ ڈیزل پر 75 روپے 41 پیسے فی لیٹر برقرار رکھی گئی ہے۔
اس کے علاوہ مٹی کے تیل پر لیوی 18 روپے 95 پیسے فی لیٹر بھی برقرار ہے۔نئی قیمتیں 16 دسمبر 2025 سے آئندہ 15 دنوں کے لیے نافذ العمل ہوں گی۔
