UrduLead UrduLead
Related Articles
ارجنٹینا کے شہر سانتیاگو ڈیل ایسٹیرو میں جاری ایف آئی ایچ پرو لیگ کے تیسرے میچ میں نیدرلینڈز نے پاکستان کو یکطرفہ مقابلے کے بعد 7-3 سے ہرا دیا۔
پاکستان کی طرف سے دونوں ٹیموں کے درمیان ہونے میچ میں گولز صرف پینلٹی کارنرز سے ہی ہوئے۔
گرین شرٹس کی جانب سے محمد سفیان خان نے 39ویں اور 59ویں منٹ میں دو شاندار فلِک گول کیے جبکہ 55ویں منٹ میں کپتان رانا وحید اشرف نے بھی پینلٹی کارنر پر گول کر کے سکور 6-3 کیا۔
دوسری طرف ہالینڈ نے شاندار فارم کا مظاہرہ کرتے ہوئے تھیری برنک مین، گیوس وان اس اور تھیجس روگمنس نے دو دو جبکہ ٹیمو بوس اور جوریٹ ہال نے ایک ایک گول اسکور کیا۔
یاد رہے کہ اسی دورے پر کھیلے گئے پہلے دونوں میچز میں بھی ہالینڈ نے پاکستان کو 5-2 اور ارجنٹینا نے 3-2 سے شکست دی تھی۔
پاکستان اب اپنا چوتھا اور آخری میچ 15 دسمبر کو میزبان ارجنٹینا کے خلاف کھیلے گا۔
