UrduLead UrduLead
Related Articles
پنجاب حکومت نے آج نیا ٹریفک قانون کا آرڈیننس جاری کر دیا ہے، جس کے تحت ٹریفک قوانین کی خلاف ورزی پر جرمانہ 2 ہزار سے 20 ہزار روپے تک مقرر کیا گیا ہے۔
نئے ضابطے کے مطابق تیز رفتاری پر موٹرسائیکل کو 2 ہزار اور کار کو 5 ہزار روپے جرمانہ ہوگا۔ سگنل کی خلاف ورزی پر موٹرسائیکل کو 2 ہزار، تھری ویلر کو 3 ہزار، کار کو 5 ہزار، اور 2000 سی سی سے زائد گاڑیوں کو 15 ہزار روپے تک جرمانہ ہوگا۔
اوور لوڈنگ پر تھری ویلر کو 3 ہزار، چھوٹی گاڑیوں کو 5 ہزار، جبکہ بڑی گاڑیوں کو 10 ہزار روپے تک چالان ہو گا۔ بغیر فٹنس سرٹیفکیٹ گاڑی چلانے پر ایک لاکھ روپے تک جرمانہ اور جیل کی سزا بھی ممکن ہوگی، اور اوور اسپیڈنگ پر جرمانے میں 300 فیصد تک اضافہ کیا جائے گا۔
حکام کا کہنا ہے کہ یہ تبدیلی صرف چالان یا ریونیو کے لیے نہیں بلکہ عوامی جان و مال کے تحفظ اور ٹریفک قوانین کی موثر پابندی کے لیے لائی گئی ہے۔
یہ اقدام اس وقت سامنے آیا ہے جب 2025 میں مختلف شہروں میں ٹریفک خلاف ورزیوں کی وجہ سے حادثات اور ضبط شدہ گاڑیوں کی تعداد میں اضافہ دیکھا گیا ہے۔
نیا قانون اس امید کے ساتھ لایا گیا ہے کہ اس سے سڑکوں پر نظم و ضبط بڑھے گا اور ٹریفک حادثات میں کمی ممکن ہو گی۔
