UrduLead UrduLead
Related Articles
رجب بٹ ایک بار پھر اپنی نئی وائرل ویڈیو کی وجہ سے توجہ کا مرکز بن گئے ہیں۔ ویڈیو بیرونِ ملک ریکارڈ کی گئی ہے جس میں ان کی اوور ایکٹنگ صارفین کی تنقید کا باعث بنی۔ رجب بٹ کی ویڈیوز اکثر متنازع انداز اور غیر معمولی ردِعمل کی وجہ سے سوشل میڈیا پر بحث چھیڑ دیتی ہیں۔
رجب بٹ پاکستانی سوشل میڈیا کے اہم چہروں میں شمار ہوتے ہیں۔ ان کے یوٹیوب چینل کے تقریباً 80 لاکھ سبسکرائبرز ہیں۔ وہ بیٹنگ ایپلی کیشنز کی تشہیر کے الزامات کے بعد پاکستان سے روانہ ہو کر اب برطانیہ میں مقیم ہیں۔ ان کے والدین، بہن، بیوی، بیٹا اور قریبی دوست حیدر اور ڈوگر سمیت سبھی لوگ اب بھی پاکستان میں رہتے ہیں۔
رجب بٹ کی اس نئی ویڈیو میں انہوں نے اپنے دوستوں اور پاکستان کی یاد کا اظہار کیا ہے۔ ویڈیو میں انہوں نے کہا کہ وہ کبھی اپنے دوستوں سے حسد نہیں کرتے تھے، لیکن اب وہ ان پر رشک کرنے لگے ہیں جو لاہور میں گھوم پھر رہے ہیں، ریسٹورنٹس میں کھانا کھا رہے ہیں اور معمول کی زندگی جی رہے ہیں۔ انہوں نے اپنے دوستوں کی عام مصروفیات کو دیکھ کر افسوس کا اظہار کیا کہ وہ اس وقت ان سب چیزوں سے محروم ہیں۔
اس سے قبل رجب بٹ کی ایک اور ویڈیو سامنے آئی تھی جس میں وہ غصے، بے بسی اور جذباتی کیفیت میں نظر آئے۔ وہ ویڈیو میں رو بھی رہے تھے اور چیخ بھی رہے تھے۔ صارفین نے اس ویڈیو کو بھی اوور ایکٹنگ قرار دے کر دلچسپ تبصرے کیے تھے۔
سوشل میڈیا صارفین نے نئی ویڈیو پر بھی ملے جلے ردعمل کا اظہار کیا۔ ایک صارف نے سخت تبصرہ کرتے ہوئے کہا، “بھائی پلیز، اب خودکشی کرلو۔” ایک اور نے مشورہ دیا کہ “اوور ایکٹنگ مت کرو پلیز۔” کئی صارفین نے لکھا کہ انہیں رجب بٹ پر بالکل بھی ترس نہیں آتا۔ جبکہ بعض نے طنزیہ طور پر انہیں “رجب کارٹون” بھی کہا۔
ایک صارف نے لکھا کہ رجب بٹ یہ سب کیمرے کے بغیر بھی کرسکتے تھے، لیکن ان کا مقصد ویوز اور کمائی تھا۔ سوشل میڈیا پر جاری اس بحث نے ایک بار پھر ثابت کیا کہ رجب بٹ کی ویڈیوز عوام میں شدید ردعمل پیدا کرتی ہیں اور وہ ہر چند دن بعد کسی نہ کسی وجہ سے سرخیوں میں نظر آتے ہیں۔
