UrduLead UrduLead
Related Articles
متنازع یوٹیوبر رجب بٹ اور سوشل میڈیا انفلوئنسر سمیہ حجاب کی ایک نامناسب گفتگو سوشل میڈیا پر وائرل ہوگئی ہے، جس کے بعد دونوں کو شدید تنقید کا سامنا ہے۔
رجب بٹ، جو پاکستان میں مختلف یوٹیوبرز سے جھگڑوں اور ان پر قائم عدالتی مقدمات کے باعث کافی عرصے سے برطانیہ میں مقیم ہیں، ایک بار پھر سوشل میڈیا پر ہنگامہ برپا کرنے میں کامیاب ہوگئے ہیں۔ دوسری جانب سمیہ حجاب، جو اپنے سابقہ منگیتر کے خلاف اغوا کا مقدمہ دائر کرنے کے بعد شہرت میں آئیں، اس وقت دبئی میں رہ رہی ہیں۔
پس منظر
سمیہ حجاب نے حال ہی میں مختصر اور بولڈ لباس پہننے کے فیصلے کا دفاع کرتے ہوئے کہا تھا کہ عوام ہی اس کی وجہ ہیں کہ اس کے کپڑے “چھوٹے” ہوگئے ہیں۔ انہوں نے واضح کیا کہ عوام نے رجب بٹ کا بھی ساتھ نہیں دیا اور اب ان کے ساتھ بھی یہی کچھ کر رہے ہیں۔
ویڈیو میں کیا ہوا؟
تازہ ترین وائرل ویڈیو میں سمیہ حجاب اور رجب بٹ ایک مشترکہ ٹک ٹاک کولیب میں گفتگو کرتے نظر آتے ہیں۔ دورانِ گفتگو رجب بٹ نے سمیہ حجاب کے جسم سے متعلق نامناسب کمنٹس کیے۔ انہوں نے کہا کہ سمیہ کا جسم “بہت خوبصورت” ہے۔
سمیہ نے جواب میں کہا کہ ان کا پیٹ باہر نکلا ہوا ہے اور وہ اسے کم کرنے کے لیے جم جانے کا سوچ رہی ہیں۔ انہوں نے مزید کہا کہ وہ تنگ کپڑے پہنتی ہیں، اس لیے سب نے ان کا پیٹ دیکھ رکھا ہے۔
اس پررجب بٹ نے مزید نامناسب تبصرہ کرتے ہوئے کہا کہ وہ سمیہ کا پیٹ نہیں بلکہ “دیگر حصوں” کو دیکھتے ہیں۔ دونوں کی یہ غیر اخلاقی گفتگو نہ صرف وائرل ہوئی بلکہ سوشل میڈیا صارفین نے شدید ردعمل کا اظہار کیا ہے
سوشل میڈیا پر ردعمل
صارفین نے دونوں پر تنقید کرتے ہوئے کہا کہ ایسے انفلوئنسرز نوجوان نسل پر غلط اثر ڈال رہے ہیں۔ جبکہ کچھ لوگوں نے سمیہ حجاب کی جانب سے اس گفتگو کو خوشگوار انداز میں لینے پر بھی سوالات اٹھائے۔
ویڈیو کے وائرل ہونے کے بعد اب تک دونوں کی جانب سے کوئی وضاحتی بیان جاری نہیں کیا گیا۔
