UrduLead UrduLead
Related Articles
وفاقی بورڈ آف ریونیو (ایف بی آر) نے مالی سال 2025-26 کے لیے فنانس بل کو تقریبا حتمی شکل دے دی ہے اور توقع ہے کہ وفاقی بجٹ میں سیلز ٹیکس اور فیڈرل ایکسائز ڈیوٹی(ایف ای ڈی) کے تحت تقریبا 200 ارب روپے کے نئے ٹیکس اقدامات کا اعلان کیا جائے گا۔
ذرائع کے مطابق، فنانس بل پر کام کو جمعرات کے روز حتمی شکل دے دی گئی ہے۔محصولات میں اضافے کے ممکنہ اقدامات میں سولر پینلز کی درآمد پر 18 فیصد سیلز ٹیکس عائد کرنا شامل ہو سکتا ہے۔دیگر تجاویز میں ای کامرس پر 18 فیصد سیلز ٹیکس عائد کرنے کی تجویز بھی شامل ہے۔
ایف بی آر نے چھٹے شیڈول اور آٹھویں شیڈول کم شرح والے سیلز ٹیکس کی فہرست سے نکالے جانے والے اشیا کو حتمی شکل دے دی ہے۔
حکومت ممکنہ طور پر آئندہ بجٹ (2025-26) میں ان اشیا پر سیلز ٹیکس کی شرح بڑھا سکتی ہے جن پر اس وقت کم یا رعایتی سیلز ٹیکس لاگو ہے۔اس سلسلے میں، ایف بی آر ایسی اشیا کی فہرست مرتب کر رہا ہے جن پر سیلز ٹیکس کی شرح میں اضافہ کیا جائے گا۔ تاہم، کچھ کینسر سے متعلقہ طبی آلات اور جان بچانے والی ادویات کو سیلز ٹیکس ایکٹ کے معافی والے شیڈول میں شامل کیا جائے گا۔
ذرائع کے مطابق، آئندہ بجٹ (2025-26) میں ایف بی آر وفاقی دارالحکومت کی حدود میں خدمات پر سیلز ٹیکس کے دائرہ کار کو بھی وسعت دے سکتا ہے۔
ایف بی آر نے وفاقی بجٹ (2025-26) میں سابقہ قبائلی علاقوں میں تیار کردہ اشیا پر بھی 18 فیصد سیلز ٹیکس عائد کرنے کا فیصلہ کیا ہے۔
تیسرے شیڈول کے دائرہ کار کو بھی بڑھایا جائے گا تاکہ مزید اشیا کو پرنٹڈ ریٹیل پرائس کی بنیاد پر سیلز ٹیکس عائد کرنے میں شامل کیا جا سکے۔
ذرائع نے بتایا کہ درآمد شدہ چاکلیٹس، کافی اور درآمد شدہ سیریلز کو سیلز ٹیکس ایکٹ کے تیسرے شیڈول میں شامل کیا جائے گا۔
مزید یہ کہ، ایف بی آر ممکنہ طور پر الٹرا پروسیسڈ فوڈز کی ایک وسیع رینج پر 5 فیصد ایف ای ڈی(فیڈرل ایکسائز ڈیوٹی)عائد کرے گا، جن میں فریز شدہ غذائیں، چپس، کاربونیٹڈ ڈرنکس، انسٹنٹ نوڈلز، آئس کریم، بسکٹس، فریز شدہ گوشت، ساسز، تیار شدہ کھانے، ساسیجز اور دیگر کئی اقسام کی الٹرا پروسیسڈ غذائیں شامل ہوں گی۔
