UrduLead UrduLead
Related Articles
ون ڈے سیریز 2-1 سے اپنے نام کرلی
پاکستان نے تیسرے اور فیصلہ کن ایک روزہ میچ میں آسٹریلیا کو 4 وکٹوں سے شکست دے کر تین میچوں کی سیریز 1-2 سے اپنے نام کرلی۔ قذافی اسٹیڈیم لاہور میں کھیلے گئے میچ میں قومی ٹیم نے 158 رنز کا ہدف 41.5 اوورز میں 6 وکٹوں کے نقصان پر حاصل کرلیا۔
آسٹریلیا نے ٹاس کے بعد پہلے بیٹنگ کرتے ہوئے پاکستانی بولرز کے سامنے مزاحمت نہ دکھا سکی اور پوری ٹیم صرف 157 رنز پر ڈھیر ہوگئی۔ قومی بولنگ اٹیک نے ابتدا ہی سے مہمان ٹیم کو دباؤ میں رکھا اور وقفے وقفے سے وکٹیں حاصل کرکے بڑا اسکور بنانے کا موقع نہیں دیا۔
جواب میں پاکستان کی اننگز کا آغاز محتاط انداز میں ہوا، تاہم چند اہم وکٹیں جلد گرنے سے میزبان ٹیم کو مشکلات کا سامنا کرنا پڑا۔ اس موقع پر مڈل آرڈر بلے بازوں نے ذمہ داری کا مظاہرہ کرتے ہوئے ٹیم کو ہدف کے قریب پہنچایا۔
آل راؤنڈر شاداب خان نے ایک مرتبہ پھر عمدہ کھیل پیش کیا اور 42 گیندوں پر 29 رنز بنا کر ناٹ آؤٹ رہے۔ ان کی اننگز میں دو خوبصورت چوکے شامل تھے۔ عبدالصمد نے بھی 30 گیندوں پر 18 رنز کی اہم باری کھیل کر شاداب کا بھرپور ساتھ دیا۔
آسٹریلیا کی جانب سے لیگ اسپنر ایڈم زیمپا نے کفایتی بولنگ کرتے ہوئے 9.5 اوورز میں 38 رنز دیے، جبکہ نیتھن ایلس نے ایک وکٹ حاصل کی، لیکن وہ پاکستانی بیٹنگ لائن کو مکمل طور پر روکنے میں ناکام رہے۔
اس کامیابی کے ساتھ پاکستان نے سیریز 2-1 سے جیت لی۔ قومی ٹیم نے راولپنڈی میں پہلا ون ڈے پانچ وکٹوں سے جیتا تھا، جبکہ دوسرے میچ میں آسٹریلیا نے لاہور میں 41 رنز سے کامیابی حاصل کرکے سیریز برابر کردی تھی۔
فیصلہ کن میچ میں پاکستانی بولرز کی شاندار کارکردگی اور مڈل آرڈر کی ذمہ دارانہ بیٹنگ نے ٹیم کو فتح دلائی۔ یہ کامیابی کپتان شاہین شاہ آفریدی کی قیادت میں قومی ٹیم کے لیے ایک اہم سنگ میل سمجھی جا رہی ہے، جبکہ ہوم گراؤنڈ پر سیریز جیتنے سے کھلاڑیوں کے حوصلے بھی بلند ہوئے ہیں۔
دوسری جانب آسٹریلوی ٹیم کے لیے یہ دورہ مایوس کن اختتام پر پہنچا، کیونکہ مہمان ٹیم فیصلہ کن مقابلے میں پاکستانی بولنگ اٹیک کا سامنا نہ کر سکی اور کم اسکور کے باعث سیریز بھی گنوا بیٹھی۔
