UrduLead UrduLead
Related Articles
پاکستان سپر لیگ (پی ایس ایل) کے 11ویں ایڈیشن کے لیے لاہور قلندرز نے بنگلادیش کے مایہ ناز فاسٹ بولر مستفیض الرحمٰن کو ڈائریکٹ سائننگ کے ذریعے اپنی ٹیم میں شامل کر لیا ہے۔ یہ معاہدہ 6 کروڑ 44 لاکھ پاکستانی روپے (تقریباً 23 لاکھ امریکی ڈالر) کا ہے۔
مستفیض الرحمٰن، جنہیں “کٹر ماسٹر” اور “فز” کے نام سے بھی جانا جاتا ہے، لاہور قلندرز کے لیے 2016 اور 2018 میں پہلے بھی کھیل چکے ہیں۔ اب وہ تقریباً آٹھ سال بعد دوبارہ قلندرز کی نمائندگی کریں گے۔
فرنچائز نے اسے “فیملی میں واپسی” قرار دیا ہے۔لاہور قلندرز کے اونر ثمین رانا نے خوشی کا اظہار کرتے ہوئے کہا: “ہمارا بنگلادیشی بھائی مستفیض، جو 2016 اور 2018 میں ہمارے ساتھ تھا، اب ڈائریکٹ سائننگ کے ذریعے واپس آ گیا ہے۔
وہ صرف ایک کھلاڑی نہیں بلکہ ہمارے خاندان کا حصہ ہے۔ اس کی واپسی پر ہم بہت خوش ہیں۔”یہ سائننگ پی ایس ایل 11 کے پلیئر آکشن سے پہلے کی گئی ہے، جو 11 فروری 2026 کو ہونے والا ہے۔
ہر ٹیم کو ایک کھلاڑی کو آکشن سے باہر ڈائریکٹ سائن کرنے کی اجازت ہے، اور لاہور قلندرز نے اس موقع کا بھرپور فائدہ اٹھایا۔مستفیض کی شمولیت سے قلندرز کی بولنگ لائن اپ مزید مضبوط ہو جائے گی، خاص طور پر شاہین شاہ آفریدی کے ساتھ مل کر وہ ٹی20 فارمیٹ میں خطرناک جوڑی ثابت ہو سکتے ہیں۔
مستفیض کی کٹرز، سلو ور اور مختلف تغیرات انہیں T20 کرکٹ میں انتہائی موثر بناتے ہیں۔یہ اعلان دفاعی چیمپئن لاہور قلندرز کے لیے ایک اہم قدم ہے، جو نئے سیزن میں ایک بار پھر ٹائٹل کا دعویدار بننے کی تیاری کر رہے ہیں۔
