UrduLead UrduLead
Related Articles
وفاقی حکومت نے ملک بھر کے بجلی صارفین کے لیے بنیادی ٹیرف میں کسی تبدیلی کے بغیر برقرار رکھنے کا فیصلہ کیا ہے۔
نیشنل الیکٹرک پاور ریگولیٹری اتھارٹی (نیپرا) نے یکساں ٹیرف کی درخواست پر اپنا فیصلہ وفاقی حکومت کو بھجواتے ہوئے گھریلو صارفین کے لیے زیادہ سے زیادہ ٹیرف 47.69 روپے فی یونٹ برقرار رکھنے کی تجویز پیش کی ہے۔
نیپرا کے مطابق، پروٹیکٹڈ گھریلو صارفین کے لیے:
- ماہانہ 1 سے 100 یونٹ تک: 10.54 روپے فی یونٹ
- ماہانہ 101 سے 200 یونٹ تک: 13.01 روپے فی یونٹ
نان پروٹیکٹڈ گھریلو صارفین کے لیے:
- ماہانہ 1 سے 100 یونٹ تک: 22.44 روپے فی یونٹ
- ماہانہ 101 سے 200 یونٹ تک: 28.91 روپے فی یونٹ
- ماہانہ 201 سے 300 یونٹ تک: 33.10 روپے فی یونٹ
- ماہانہ 301 سے 400 یونٹ تک: 37.99 روپے فی یونٹ
- ماہانہ 401 سے 500 یونٹ تک: 40.22 روپے فی یونٹ
- ماہانہ 501 سے 600 یونٹ تک: 41.62 روپے فی یونٹ
- ماہانہ 601 سے 700 یونٹ تک: 42.76 روپے فی یونٹ
- ماہانہ 700 یونٹ سے زائد: 47.69 روپے فی یونٹ
لائف لائن صارفین کے لیے:
- ماہانہ 50 یونٹ تک: 3.95 روپے فی یونٹ
- ماہانہ 51 سے 100 یونٹ تک: 7.74 روپے فی یونٹ
نیپرا کا کہنا ہے کہ ٹیکسز، سرچارجز اور دیگر لیویز شامل کرنے کے بعد سلیب کے مطابق فی یونٹ قیمت میں اضافہ ہو جائے گا۔
اتھارٹی نے واضح کیا کہ یہ تجاویز یکساں قومی ٹیرف کے نفاذ کے لیے وفاقی حکومت کو ارسال کی گئی ہیں، جس کا حتمی نوٹیفکیشن حکومت جاری کرے گی۔
یہ فیصلہ بجلی صارفین کو مہنگائی سے کچھ حد تک تحفظ فراہم کرے گا، جبکہ شعبہ توانائی کی مالی ضروریات کو بھی پورا کرنے کا مقصد رکھتا ہے۔
