UrduLead UrduLead
Related Articles
برطانوی ہائی کمشنر جین میریٹ نے کہا ہے کہ پاکستان کیلئے ای ویزا کا نیا نظام شروع کیا جا رہا ہے، جو طلبہ اور کارکنان کے طویل مدتی ویزوں کو مزید آسان اور محفوظ بنائے گا۔
ہائی کمشنر نے اپنے ایکس اکاؤنٹ پر بتایا کہ ای ویزا سہولت چھ ماہ سے زیادہ عرصے کے ویزا درخواست گزاروں کیلئے دستیاب ہوگی۔ انہوں نے کہا کہ یہ نظام ’’سادہ اور محفوظ‘‘ ہوگا اور درخواست دہندگان کو اپنا پاسپورٹ اپنے پاس رکھنے کی اجازت دے گا، جس سے درخواست کا عمل زیادہ سہل ہو جائے گا۔
جین میریٹ نے مسافروں کو مشورہ دیا کہ وہ اپنے موجودہ پاسپورٹ کے ساتھ ای ویزا کو ضرور لنک کریں تاکہ سفری عمل میں کسی مشکل کا سامنا نہ ہو۔ انہوں نے یہ بھی بتایا کہ سرکاری ویب سائٹ پر اہل افراد اپنی اہلیت اور درخواست کے طریقہ کار کے بارے میں معلومات حاصل کر سکتے ہیں۔
The UK is launching eVisas in Pakistan for most students and workers applying for more than 6 months! It will make it simpler and safer, and you can hold on to your passport.
— Jane Marriott (@JaneMarriottUK) July 15, 2025
To find out more on eVisas and see whether you’re eligible, go to https://t.co/AHI9nWSoxw pic.twitter.com/tlZNSs2NpD
برطانوی حکومت حالیہ برسوں میں ویزا نظام کو مرحلہ وار ڈیجیٹل بنانے کے منصوبے پر کام کر رہی ہے، جس کے تحت عالمی سطح پر ای ویزا سہولیات میں توسیع کی جا رہی ہے۔ نئی سہولت سے پاکستانی طلبہ اور ہنرمند کارکنوں کی برطانیہ سفر کے لیے درخواستوں کا عمل مزید تیز اور مؤثر ہونے کی توقع ہے۔
