UrduLead UrduLead
Related Articles
مسابقتی کمیشن نے پی ٹی سی ایل اور ٹیلی نار کے مجوزہ انضمام پر مزیدوضاحتیں طلب کرلیں جبکہ پی ٹی سی ایل انتظامیہ کو مزید معلومات بھی جمع کرانے کی بھی ہدایت کی ہے ،
کمیشن کی طرف سے جاری کردہ اعلامیہ کے مطابق پاکستان ٹیلی کمیونیکیشن کمپنی لمیٹڈ (پی ٹی سی ایل) کے مجوزہ انضمام منصوبے پر مسابقتی کمیشن آف پاکستان(سی سی پی) کوتفصیلی سرمایہ کاری پلان پر بریفنگ دی گئی ،
اعلامیہ کے مطابق برنفنگ میں بینچ نے کمپنی حکام سے تفصیلی سوالات کیے اور مجوزہ پلان کی فعالیت، مسابقت اور صارفین پر ممکنہ اثرات سے متعلق وضاحتیں طلب کیں۔
کمیشن نے انضمام کے مختلف پہلوں کا جامع جائزہ لینے کے لیے مزید معلومات جمع کرانے کی ہدایت بھی جاری کی ہے۔
کمپیٹیشن کمیشن آف پاکستان نے ایکٹ کی دفعہ 11(6) کے تحت پاکستان ٹیلی کمیونیکیشن کمپنی لمیٹڈ (پی ٹی سی ایل) اور ٹیلی نار کے انضمام کی درخواست کا جائزہ لے رہا ہے۔
اس سلسلے میں پی ٹی سی ایل کے نمائندوں اور وکلاء نے کمپیٹیشن کمیشن کے بنچ کو کمپنی کے بزنس پلان پر بریفنگ دی۔ بنچ چیئرمین کمپٹیشن کمیشن ڈاکٹر کبیر احمد سدھو، رکن سلمان امین اور رکن عبدالرشید شیخ پر مشتمل ہے۔
کمیشن کی پراسیڈنگ کے دوران، پی ٹی سی ایل نے کمپنی کے مجوزہ بزنس پلان ، مجوزہ انضمام کی افادیت اور ریگولیٹری اکاؤنٹس پر بریفنگ دی۔
بینچ نے پی ٹی سی ایل کے حکام سے مجوزہ پلان اور بعد ازاں فعالیت بارے کئی ایک سوالات کیے اور مختلف پہلوؤں پر وضاحت طلب کی۔ کمیشن نے مسابقت اور صارفین پر انضمام کے ممکنہ اثرات کا جامع جائزہ لینے کے لیے مزید معلومات بھی طلب کیں۔
سی سی پی نے اس مجوزہ انضمام کی درخواست کا فیز ٹو ریویو کر رہاہے ہے جس کا مقصد اس ٹرانزیکشن کا پاکستان کی ٹیلی کام اور ٹاور مارکیٹس پر ممکنہ اثرات کا جائزہ لینا ہے ۔
