UrduLead UrduLead
Related Articles
فیڈرل بورڈ آف ریونیو (ایف بی آر) نے بحریہ آئیکون ٹاور کراچی اورمال آف اسلام آباد کو بجٹ کے بعد نیلام کرنے کا نوٹس جاری کردیا۔
فیڈرل بورڈ آف ریونیو کے نوٹس کے مطابق بحریہ ٹاؤن کی جائیدا دیں 26 ارب روپے سے زائد ٹیکس کی نادہندہ ہیں۔ دونوں جائیدادوں کی نیلامی ایف بی آر اسلام آباد کے لارج ٹیکس پیئر آفس میں 19 جون کو ہوگی۔
نیلامی انکم ٹیکس آرڈیننس 2001 اور 2002 کے ٹیکس ڈیفالٹ قانون کے تحت کی جائے گی۔
اس سے قبل 15 اپریل کو قومی احتساب بیورو (نیب) نے بحریہ ٹاؤن کراچی کے خلاف کرپشن کے الزامات میں سخت کارروائی کرتے ہوئے 16 بینک اکاؤنٹس منجمد کردیے ہیں۔
نیب نے احتساب عدالت میں درخواست دائر کی ہے جس میں بتایا گیا کہ ملزمان نے 16 ہزار ایکڑ سے زائد سرکاری زمین پر ناجائز قبضہ کرکے اربوں روپے کمائے۔
نیب کے مطابق 25 ارب روپے کی رقم منجمد کرنے کے احکامات جاری کیے گئے ہیں جبکہ بحریہ ٹاؤن کراچی کی کمرشل سرگرمیاں بھی روک دی گئی ہیں۔
