UrduLead UrduLead
Related Articles
محکمہ موسمیات نے آئندہ ہفتے کے دوران ملک میں شدید گرمی کی لہر آنے کی پیشگوئی کردی ہے۔
13 اپریل سے فضا میں ہوا کے زیادہ دباؤ کے باعث ملک کے بیشتر علاقے گرمی کی لپیٹ میں رہیں گے۔
محکمہ موسمیات کے مطابق 14 اپریل سے ملک کے جنوبی علاقے شدید گرمی کی لپیٹ میں رہیں گے۔
سندھ، جنوبی پنجاب اور بلوچستان میں 13 سے 18 اپریل کے دوران درجہ حرارت معمول سے 6 سے 8 ڈگری سینٹی گریڈ زیادہ رہنے کا امکان ہے۔
اسی طرح ملک کے بالائی علاقوں، وسطی و بالائی پنجاب، خیبرپختونخوا، اسلام آباد، کشمیر اور گلگت بلتستان میں 14 سے 18 اپریل کے دوران دن کا درجہ حرارت معمول سے 4 سے 6 ڈگری سینٹی گریڈ زیادہ رہنے کا امکان ہے۔
محکمہ موسمیات کا کہنا ہے کہ اس دوران راتیں بھی غیر معمولی طور پر گرم ہوں گی۔ گرمی کی اس لہر کے دوران آندھی اور تیز جھکڑ چلنے کا بھی امکان ظاہر کیا گیا ہے۔
محکمہ موسمیات کے مطابق ہفتہ کے روز ملک کے بیشتر علاقوں میں موسم گرم اورخشک رہنے کا امکان ہے ۔
گذشتہ 24 گھنٹوں کے دوران خیبرپختونخوا، پنجاب، کشمیر، گلگت بلتستان اور جنوبی بلوچستان میں چند مقامات پر آندھی اور گرج چمک کے ساتھ بارش ہوئی۔ ملک کے دیگر علاقوں میں موسم گرم اور خشک رہا۔
خیبرپختونخوا کے علاقے جن میں سب سے زیادہ بارش ہوئی ان میں دیر 30، پٹن 16، میر کھانی 13، کاکول 13، کالام 11، ڈی آئی خان( ایئرپورٹ) 07، سٹی 02، سید وشریف 04، چترال 01 شامل ہیں
پنجاب کے چکوال 15، جہلم 12، مری 11، منگلا 09، لاہور (سٹی )09، (ائیرپورٹ) 07،فیصل آباد07، راولپنڈی)چکلالہ07،)شمس آباد ( 05،منڈی بہاوالدین05،جھنگ، ڈی جی خان، بھکر، قصور 04، گجرات ، سرگودھا 02، نور پور تھل، ٹوبہ ٹیک سنگھ، حافظ آباد،ناروال، شیخوپورہ 01 ملی میٹر ریکارڈ کی گئی
جبکہ کشمیرکے علاقے کوٹلی 08، راولاکوٹ 06 ہوئی ، اسی طرح گلگت بلتستان کے اسکردو 05 جبکہ بلوچستان کے لسبیلہ میں01 ملی میٹر بارش ریکارڈ کی گئی۔
آج ریکارڈکئے گئے زیادہ سے زیادہ درجہ حرارت پڈعیدن، موہنجو داڑو ، شہید بینظیر آباد میں 44،جبکہ دادو اور لاڑکانہ میں 43 ڈگری سینٹی گریڈ ریکارڈ کیا گیا۔
