UrduLead UrduLead
Related Articles
اے بی ایل اسٹالینز نے یو ایم ٹی مارخور کو فائنل میں 75 رنز سے شکست دے کر چیمپئنز ٹی 20 کپ جیت لیا۔
پنڈی کرکٹ اسٹیڈیم میں کھیلے گئے فائنل میں اے بی ایل سٹالینز نے ٹاس جیت کر بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 199رنز بنائے۔
اسٹالینز کی جانب سے یاسر خان نے 5 چوکوں 7 چھکوں کی مدد سے 100رنز کی شاندار باری کھیلی۔ جہانداد خان 22 جبکہ شعیب ملک 6رنز بنا کر ناٹ آؤٹ رہے۔
عاکف جاوید نے 2، نواز عمران جونیئر اور فیضان نے 1، 1 وکٹ حاصل کی۔
200 رنز کے تعاقب میں یو ایم ٹی مارخور کی ٹیم 124رنز بنا کر آؤٹ ہو گئی۔
مارخور کی جانب سے فیضان نے 43 اور افتخار احمد نے 22رنز بنائے۔
محمد علی اور عثمان طارق نے 2، 2 وکٹیں حاصل کیں۔ یاسر خان کو مین آف دی میچ قرار دیا گیا۔
