UrduLead UrduLead
Related Articles
ایران کے صدر ڈاکٹر ابراہیم رئیسی آج لاہور اور کراچی کا دورہ کریں گے، دونوں شہروں میں آج عام تعطیل کا اعلان کیا گیا ہے جبکہ کئی شاہراہیں بھی بند رہیں گی۔
لاہور کی Ring روڈ آج صبح 6 سے سہ پہر 3 بجےتک بند رہے گی جبکہ کراچی میں پوری شارع فیصل سہ پہر تین سے شام پانچ بجے تک بند رہے گی۔
کراچی میں شاہراہ قائدین گرو مندر سے شاہراہ فیصل تک، مزار قائد کے اطراف ایم اےجناح روڈ، نیو ایم اے جنا ح روڈ اور ضیاء الدین احمد روڈ بھی بند رہے گی۔
ایرانی صدر کے دورہ پاکستان میں دو طرفہ تجارت 10 ارب ڈالرز تک بڑھانے پر اتفاق ہوا ہے۔
وزیراعظم اور ایرانی صدر کی ملاقات کے اعلامیہ میں کہا گیا ہے کہ اگلے پانچ سال میں دو طرفہ تجارت مطلوبہ ہدف تک بڑھائی جائے گ۔
خصوصی اقتصادی زون کے قیام سے متعلق تعاون سمیت 8 شعبوں میں مفاہمتی یادداشتوں پر دستخط ہوئے، غزہ میں اسرائیل کے طاقت کے اندھادھند استعمال کی شدید مذمت کی گئی۔
ایرانی صدر نے صدر مملکت آصف زرداری سے بھی ملاقات کی، دونوں رہنماؤں نے مذاکرات اور تعاون کو مزید فروغ دینے پر اتفاق کیا۔
