UrduLead UrduLead
Related Articles
چار ٹیسٹ میچز کھیلے جائیں گے
جنوبی کوریا کی قومی ہاکی ٹیم پاکستان کے دورے پر اسلام آباد پہنچ گئی، جہاں دونوں ممالک کے درمیان 27 جولائی سے 8 اگست تک چار ٹیسٹ میچز کھیلے جائیں گے۔
جنوبی کوریا کی قومی ہاکی ٹیم پاکستان کے دورے پر اسلام آباد پہنچ گئی ہے، جہاں وہ 27 جولائی سے 8 اگست تک قیام کے دوران قومی ٹیم کے خلاف چار ٹیسٹ میچز کھیلے گی۔
وزارت بین الصوبائی رابطہ کی جانب سے جاری بیان کے مطابق تمام میچز اسلام آباد کے نصیر بندہ ہاکی اسٹیڈیم میں کھیلے جائیں گے، جہاں انتظامات کو حتمی شکل دے دی گئی ہے۔
حکومت پاکستان نے مہمان ٹیم کا پرتپاک استقبال کیا۔ وزیراعظم کے مشیر برائے بین الصوبائی رابطہ سینیٹر رانا ثناء اللہ نے کہا کہ جنوبی کوریا کی قومی ہاکی ٹیم کا دورہ وزیراعظم کے کھیلوں کے فروغ کے وژن کی عکاسی کرتا ہے اور اس سے پاکستان میں بین الاقوامی ہاکی سرگرمیوں کی بحالی کو مزید تقویت ملے گی۔
وفاقی سیکرٹری بین الصوبائی رابطہ محی الدین احمد وانی نے کہا کہ یہ دورہ پاکستان اور جنوبی کوریا کے درمیان اسپورٹس سفارت کاری کو فروغ دینے اور دوطرفہ تعلقات کو مزید مستحکم بنانے میں اہم کردار ادا کرے گا۔
حکام کے مطابق اس سیریز کو دونوں ممالک کے درمیان کھیلوں کے تعاون میں اضافے اور بین الاقوامی ہاکی روابط کے فروغ کی جانب ایک اہم پیش رفت قرار دیا جا رہا ہے۔ پاکستان ہاکی کے میدان میں بین الاقوامی ٹیموں کی واپسی کو کھیل کی بحالی کے لیے مثبت پیش رفت سمجھا جا رہا ہے، جبکہ شائقین کو بھی اس سیریز سے دلچسپ مقابلوں کی توقع ہے۔
