اسلام آباد کے ایچ نائن اتوار بازار میں آتشزدگی

80 سے زائد اسٹالز جل گئے

اسلام آباد کے ایچ نائن اتوار بازار میں لگنے والی آگ پر قابو پا لیا گیا، تاہم واقعے میں 80 سے زائد اسٹالز جل کر خاکستر ہو گئے۔

ریسکیو حکام کے مطابق آگ بازار کے نو مختلف سیکشنز تک پھیل گئی تھی، جن میں سے چھ سیکشنز میں آگ پر قابو پا لیا گیا۔ امدادی کارروائیوں کے دوران آگ بجھانے کے لیے راولپنڈی سے اضافی فائر وہیکلز بھی طلب کی گئیں۔

حکام کا کہنا ہے کہ دکانوں میں موجود بیٹریوں کے پھٹنے سے آگ کی شدت میں اضافہ ہوا، جس کے باعث نقصان میں بھی اضافہ ہوا۔ ابتدائی تحقیقات کے مطابق آگ لگنے کی وجہ شارٹ سرکٹ بتائی جا رہی ہے، تاہم حتمی تعین کے لیے مزید جانچ جاری ہے۔