UrduLead UrduLead
Related Articles
فیفا ورلڈ کپ 2026 کے گروپ مرحلے میں پرتگال نے شاندار کارکردگی کا مظاہرہ کرتے ہوئے ازبکستان کو 0-5 سے شکست دے دی، جبکہ انگلینڈ اور گھانا کے درمیان مقابلہ بغیر کسی گول کے برابر رہا۔
گروپ کے کے میچ میں پرتگال نے ابتدا ہی سے جارحانہ کھیل پیش کیا اور ازبکستان کو کسی بھی مرحلے پر سنبھلنے کا موقع نہ دیا۔ پرتگالی کھلاڑیوں نے عمدہ ٹیم ورک اور مؤثر حملوں کی بدولت پانچ گول اسکور کیے اور ایونٹ میں اپنی پوزیشن مزید مضبوط کر لی۔
دوسری جانب گروپ ایل کے میچ میں کروشیا نے پاناما کو ایک کے مقابلے میں صفر گول سے شکست دے کر اہم تین پوائنٹس حاصل کیے۔ میچ کا واحد گول کروشین ٹیم کی جانب سے پہلے ہاف میں کیا گیا، جس کے بعد پاناما واپسی میں ناکام رہا۔
گروپ ایل کے ایک اور مقابلے میں انگلینڈ اور گھانا کی ٹیمیں مقررہ وقت میں کوئی گول نہ کر سکیں اور میچ صفر صفر سے برابر ختم ہوا۔ دونوں ٹیموں نے متعدد مواقع پیدا کیے تاہم فارورڈ لائنز انہیں گول میں تبدیل نہ کر سکیں۔
ادھر گروپ کے میں کولمبیا اور کانگو کے درمیان جاری میچ کے پہلے ہاف تک دونوں ٹیمیں بغیر کسی گول کے برابر ہیں۔ دونوں جانب سے محتاط کھیل دیکھنے میں آیا اور پہلے ہاف میں کوئی ٹیم برتری حاصل نہ کر سکی۔
