UrduLead UrduLead
Related Articles
لاہور میں بسنت فیسٹیول کا باقاعدہ آغاز ہو گیا ہے اور شہر بھر میں خوشیوں، رنگوں اور پتنگ بازی کا سماں ہے۔ چھتوں پر پتنگ بازوں کا ہلہ گلہ جاری ہے جبکہ ڈھول کی تھاپ پر “بوکاٹا” کی گونج نے فضا کو مزید پرجوش بنا دیا ہے۔
پنجاب کی وزیر اطلاعات عظمیٰ بخاری نے رات 12 بجے پتنگ اڑا کر بسنت فیسٹیول کا باضابطہ افتتاح کیا۔ اس موقع پر لاہور کا آسمان ستاروں کے بجائے رنگ برنگی پتنگوں سے سجا دکھائی دیا اور روشن چھتوں پر منچلوں کی رونق لگی رہی۔
Kites return to the skies of Lahore as Basant comes alive again after 25 years! A celebration of culture, colour, and community! Let’s enjoy the festivities together responsibly, follow all safety SOPs, and make this Basant safe for everyone ❤️ pic.twitter.com/0Ysvq2bY4O
— Maryam Nawaz Sharif (@MaryamNSharif) February 5, 2026
بسنت کی خوشیوں میں خواتین بھی بھرپور انداز میں شریک نظر آئیں۔ ہاتھوں پر مہندی، رنگین لباس اور لذیذ پکوانوں کے ساتھ خواتین نے بسنت کا والہانہ استقبال کیا، جس سے تہوار کا جوش دوبالا ہو گیا۔
وزیراعلیٰ پنجاب مریم نواز نے بسنت کے آغاز پر سوشل میڈیا پر ایک ویڈیو بھی شیئر کی، جس میں شہریوں کو پتنگ بازی کرتے دیکھا جا سکتا ہے۔ اس سے قبل وزیراعلیٰ نے لاہور کے مختلف علاقوں کا دورہ کیا، شہریوں سے ملاقات کی اور ایک مقام پر بچوں نے ان کے ساتھ یادگاری تصاویر بھی بنوائیں۔
بسنت فیسٹیول کے آغاز کے ساتھ ہی لاہور ایک بار پھر رنگوں، موسیقی اور خوشیوں کا مرکز بن گیا ہے۔
