UrduLead UrduLead
Related Articles
پاکستان محکمہ موسمیات (PMD) نے ملک کے بیشتر حصوں میں نئے مغربی ہواؤں کے سلسلے کے زیرِ اثر تیز ہواؤں، گرج چمک کے ساتھ بارش اور پہاڑی علاقوں میں برفباری کی پیشگوئی کی ہے۔
یہ سلسلہ 29 دسمبر کی رات سے مغربی علاقوں میں داخل ہوگا، 30 دسمبر سے مزید شدت اختیار کرے گا اور 31 دسمبر کو بالائی اور وسطی علاقوں کو متاثر کرے گا، جبکہ بالائی علاقوں میں 2 جنوری 2026 کی صبح تک برقرار رہنے کا امکان ہے۔
بلوچستان:
29 دسمبر کی رات سے 31 دسمبر تک کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی، ژوب، قلات، بارکھان، سبی، لورالائی، موسیٰ خیل، تربت، گوادر، جیوانی، لسبیلہ، کیچ، آواران، چاغی، پنجگور، خضدار، واشک اور خاران میں تیز ہواؤں، گرج چمک کے ساتھ بارش اور پہاڑوں پر برفباری متوقع ہے۔
سندھ:
30 دسمبر کو کراچی، حیدرآباد، دادو، جیکب آباد، کشمور، لاڑکانہ، ٹھٹھہ، بدین اور گردونواح میں چند مقامات پر ہلکی بارش یا بوندا باندی کا امکان ہے۔
خیبر پختونخوا:
30 دسمبر سے 1 جنوری تک چترال، دیر، سوات، شانگلہ، کوہستان، بٹگرام، مانسہرہ، ایبٹ آباد، ہری پور، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک، ڈیرہ اسماعیل خان، ٹانک اور کوہاٹ میں وقفے وقفے سے تیز ہواؤں، گرج چمک کے ساتھ بارش جبکہ بالائی علاقوں میں درمیانی سے شدید برفباری کی توقع ہے
گلگت بلتستان اور کشمیر:
30 دسمبر کی شام/رات سے 2 جنوری کی صبح تک دیامیر، استور، غذر، سکردو، ہنزہ، گلگت، گانچھے، شگر، وادی نیلم، مظفرآباد، پونچھ، ہٹیاں، باغ، حویلی، سدھنوتی، کوٹلی، بھمبر اور میرپور میں تیز ہواؤں، گرج چمک کے ساتھ بارش اور درمیانی درجے کی برفباری کا امکان ہے
پنجاب اور اسلام آباد:
30 دسمبر کی شام/رات سے 2 جنوری کی صبح تک مری اور گلیات میں تیز ہواؤں، گرج چمک کے ساتھ بارش اور برفباری۔ 31 دسمبر اور 1 جنوری کو اسلام آباد، راولپنڈی، پوٹھوہار، سرگودھا، فیصل آباد، منڈی بہاؤالدین، سیالکوٹ، نارووال، لاہور، شیخوپورہ اور گجرات میں بارش متوقع ہے۔ اس کے علاوہ میانوالی، بھکر، خوشاب، نورپور تھل، لیہ، ڈیرہ غازی خان، ملتان، بہاولپور، رحیم یار خان، بہاولنگر، مظفرگڑھ، جھنگ اور ساہیوال میں چند مقامات پر بارش کا امکان ہے
ممکنہ اثرات اور احتیاطی تدابیر:
برفباری سے ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، سکردو، مری، گلیات، وادی نیلم، باغ، پونچھ اور حویلی میں سڑکیں بند اور پھسلن کا خطرہ ہے۔ بالائی خیبر پختونخوا، کشمیر اور گلگت بلتستان میں لینڈ سلائیڈنگ یا برفانی تودوں کے گرنے کا امکان ہے۔
سیاحوں کو غیر ضروری سفر سے گریز اور احتیاط کی ہدایت کی ہے۔ بارش سے پنجاب کے وسطی/جنوبی اور بالائی سندھ میں سموگ/دھند کی شدت میں کمی جبکہ دن کے درجہ حرارت میں کمی متوقع ہے
