UrduLead UrduLead
Related Articles
ڈرامہ سانول یار پِیا اس سال کا سب سے زیادہ دیکھا جانے والا سلسلہ بن چکا ہے۔ جیو ٹی وی پر نشر ہونے والے اس پراجیکٹ میں احمد علی اکبر نے سانول، دُرفشاں سلیم نے پِیا اور فیروز خان نے علیار کا کردار ادا کیا ہے۔
ڈرامہ یوٹیوب پر بھی مسلسل ٹرینڈ کر رہا ہے اور ٹی آر پیز میں نمایاں اضافہ دیکھنے میں آرہا ہے۔ شائقین سوشل میڈیا پر کہانی، کرداروں اور اداکاروں کی کارکردگی پر تبصرے جاری رکھے ہوئے ہیں۔
سانول کے طور پر احمد علی اکبر کو مداحوں کی جانب سے بے حد پسند کیا جا رہا ہے۔ ان کے انداز، گفتگو اور کردار میں ڈھل جانے کی صلاحیت نے انہیں خاص توجہ دلائی ہے۔
دوسری جانب فیروز خان بھی علیار کے کردار میں موجود ہیں اور ان کی پرفارمنس کو بھی سراہا جا رہا ہے۔ تاہم بہت سے ناظرین کا ماننا ہے کہ احمد علی اکبر نے اسکرین پر فیروز خان کو محسوس طور پر ’اوور شیڈو‘ کردیا ہے، جس پر اب ڈرامے کے ڈائریکٹر دانش نواز نے وضاحت پیش کی ہے۔
دانش نواز کے مطابق سانول یار پِیا میں دونوں اداکاروں نے بھرپور محنت کی ہے اور انہیں ایک دوسرے کے مقابل رکھنا درست نہیں۔ انہوں نے کہا کہ سانول کا کردار بہت مضبوطی سے لکھا گیا تھا اور احمد علی اکبر نے اسے غیر معمولی انداز میں پیش کیا۔
فیروز خان کا کردار علیار مختلف نوعیت کا ہے اور انہوں نے اس کردار کو بالکل اس طرح نبھایا ہے جیسے اسکرپٹ میں لکھا گیا تھا۔ ان کے مطابق فیروزروز اور احمد کے کردار ایک دوسرے کے مخالف یا ہم مقابل نہیں، اس لیے موازنے کی کوئی بنیاد ہی موجود نہیں۔
ڈائریکٹر کا کہنا تھا کہ دونوں اداکار اپنے اپنے حصے کا کام بھرپور طریقے سے کر رہے ہیں اور ڈرامے کی کامیابی پوری ٹیم کی کوششوں کا نتیجہ ہے، نہ کہ کسی ایک کردار کی۔
