UrduLead UrduLead
Related Articles
ماہرہ خان اور فواد خان ایک بار پھر اپنی نئی فلم نیلوفر کی تشہیر میں مصروف ہیں جو 28 نومبر 2025 کو ریلیز ہوگی۔ دونوں اداکار مشرقِ وسطیٰ میں اپنے مداحوں سے ملاقاتیں کر رہے ہیں اور انہی ملاقاتوں میں ایک جذباتی لمحہ سب کی توجہ کا مرکز بن گیا۔
فواد خان نے دبئی میں ایک انٹریکشن کے دوران اعتراف کیا کہ انہوں نے پچھلے کچھ برسوں میں مشکل وقت دیکھا ہے، لیکن ان کے مداحوں نے ہمیشہ ان کا ساتھ دیا ہے۔ انہوں نے کہا کہ وہ اپنے چاہنے والوں کی محبت اور وفاداری کے شکر گزار ہیں، چاہے وہ سوشل میڈیا پر اپنی جذباتی کیفیت ہمیشہ ظاہر نہ کر پاتے ہوں۔
فواد کے اس اعتراف پر ماہرہ خان جذبات پر قابو نہ رکھ سکیں اور ان کی آنکھوں میں آنسو آ گئے۔ وہ مسلسل فواد کی باتوں کی تائید کرتی رہیں اور ان کے مداحوں کی محبت کو سراہتی رہیں۔ موقع پر موجود افراد کے مطابق یہ منظر دونوں فنکاروں کے درمیان دیرینہ دوستی اور باہمی احترام کو ظاہر کرتا تھا۔
سوشل میڈیا پر اس لمحے کی ویڈیوز وائرل ہو گئیں اور مداحوں نے دونوں ستاروں کیلئے محبت بھرے پیغامات چھوڑے۔ ایک صارف نے لکھا: “انہیں emotional ہوتے دیکھ کر دل بھر آیا۔” ایک اور نے کہا: “فواد خان کو ہمیشہ بے پناہ عزت اور محبت ملتی ہے۔” جبکہ کئی مداحوں نے ماہرہ خان کو فواد کی “اصل دوست” قرار دیا۔
نیلوفر کی ریلیز قریب آتے ہی مداحوں کی دلچسپی بڑھ رہی ہے، اور دونوں اداکاروں کی یہ جذباتی جھلک فلم کے حوالے سے توقعات کو مزید بڑھا رہی ہے۔
