UrduLead UrduLead
Related Articles
سری لنکا نے راولپنڈی کرکٹ اسٹیڈیم میں دوسرے ایک روزہ میچ میں پاکستان کو جیت کے لیے 289 رنز کا ہدف دیا ہے۔
سری لنکا نے پہلے بیٹنگ کرتے ہوئے 8 وکٹوں کے نقصان پر 288 رنز بنائے۔ جینتھ لیالانگے نے 54 رنز کی شاندار اننگز کھیلی، جبکہ کامندو مینڈس نے 44 اور سدھیرا سماراوکرما نے 42 رنز اسکور کیے۔ وانندو ہاسارنگا 37 رنز کے ساتھ ناٹ آؤٹ رہے۔
پاکستان کی جانب سے ابرار احمد اور حارث رؤف نے 3، 3 وکٹیں حاصل کیں، جبکہ محمد وسیم جونیئر نے 1 وکٹ لی۔
قومی ٹیم کے کپتان شاہین شاہ آفریدی فلو کے باعث میچ سے باہر ہیں، اور ان کی جگہ ٹیم کی قیادت سلمان علی آغا کر رہے ہیں۔ ٹاس کے موقع پر انہوں نے بتایا کہ شاہین کی جگہ محمد وسیم جونیئر کو شامل کیا گیا جبکہ ابرار احمد کو بھی ٹیم میں واپس لایا گیا ہے۔
یہ ملاقات پاکستان کے لیے سیریز میں مسلسل دوسری جیت حاصل کرنے کا اہم موقع ہے۔ میچ دراصل جمعرات کو ہونا تھا، مگر منگل کو اسلام آباد میں دہشت گردی کے واقعے کے باعث سری لنکن کیمپ میں تشویش پیدا ہوئی اور شیڈول متاثر ہوا۔
