UrduLead UrduLead
Related Articles
محکمہ موسمیات نے عید الفطر سے قبل ملک بھر میں بارشوں کے نئے سلسلے کا امکان ظاہر کیا ہے۔
بالائی وادیوں میں بارش اور برفباری ہوگی۔ ملک کے میدانی علاقوں میں آندھی اور ژالہ باری کی پیشگوئی کر دی گئی۔ گندم سمیت دیگر فصلوں کو نقصان کا خطرہ ہے۔
پاکستان میں بارش کا نیا اسپیل انٹری دینے کو تیار ہے، محکمہ موسمیات نے 25 سے 27 مارچ تک بارش کی پیشگوئی کردی، جبکہ پہاڑوں پر برفباری اور میدانی علاقوں میں آندھی اور ژالہ باری کا امکان ہے۔
محکمہ موسمیات کے مطابق مغربی ہوائیں پاکستان میں داخل ہوگئی ہیں اور کل سے بادل برسیں گے۔ بالائی علاقوں میں پہاڑوں پر برف باری اور ژالہ باری کا امکان ہے۔ گلگت بلتستان اور کشمیر کی بالائی وادیوں میں بارش کے ساتھ ساتھ برفباری بھی ہوگی۔
محکمہ موسمیات نے نئے الرٹ میں بتایا کہ خیبرپختونخوا اور پنجاب کے میدانی علاقوں میں تیز آندھی کے ساتھ ساتھ ژالہ باری بھی ہوگی۔
ماہرین موسمیات نے بتایا کہ 25 سے 27 مارچ کے دوران مری گلیات، اسلام آباد اور پنجاب کے چند ایک مقامات پر وقفے وقفے سے بارش کا امکان ہے۔
25 اور 26 مارچ کے دوران بلوچستان اور سندھ کے چند ایک مقامات پر بارش اور گرد آلود ہوائیں چلیں گی۔ آندھی اور ژالہ باری سے پنجاب اور کے پی کے میدانی علاقوں میں کھڑی فصلوں کو نقصان کا اندیشہ ہے۔
