UrduLead UrduLead
Related Articles
پاکستان میوزِک انڈسٹری کے مشہور گلوکار علی حیدر نے چاہت فتح علی خان کی گلوکاری کے بارے میں اپنے خیالات کا اظہار کیا ہے۔
علی حیدر نے حال ہی میں نجی ٹی وی کے پروگرام میں بطور مہمان شرکت کی جہاں اُنہوں نے مختلف موضوعات پر دلچسپ گفتگو کی۔
اس شو کے دوران ان سے ایک سوال پوچھا گیا کہ کیا آپ 20 کروڑ روپے کی پیشکش پر چاہت فتح علی خان کے ساتھ گانا گائیں گے؟
گلوکار نے اس سوال کے جواب میں کہا کہ میں چاہت فتح علی خان کے ساتھ گانا تو شاید کبھی نہیں گاؤں گا لیکن میں ان کے ناقدین سے یہ ضرور کہوں گا کہ ان کو جی لینے دیں۔
اُنہوں نے کہا کہ ابھی ان کا ٹائم ہے، پتہ نہیں ان کی کونسی دعا قبول ہوئی، جس کی وجہ سے ان کو یہ شہرت مل رہی ہے تو اللّٰہ اور اس کے بندے کے بیچ میں مت آئیں۔
علی حیدر نے یہ بھی کہا کہ آپ چاہت فتح علی خان کو کچھ بھی سمجھ لیں، کامیڈین سمجھ لیں، انٹرٹینر سمجھ لیں یا کچھ بھی سمجھیں بس ان کو جینے دیں۔
