UrduLead UrduLead
Related Articles
وزیر خزانہ محمد اورنگزیب نے کہا ہے کہ حکومت نے حال ہی میں ٹریژری بلز کی تمام بولیوں کو مسترد کردیا ہے
تاکہ یہ پیغام دیا جا سکے کہ حکومت قرض کے لئے بے چین نہیں ہے ، نہ ہی کسی قسم کی مجبوری میں ہے ،اپنی شرائط پر قرض لیں گے ۔
وزارت خزانہ کی جانب سے جاری کردہ بیان کے مطابق، وزیر خزانہ نے یہ ریمارکس جمعہ کو کابینہ کی اقتصادی رابطہ کمیٹی (ای سی سی) کے اجلاس میں دیے۔
یہ پیش رفت اس وقت سامنے آئی ہے جب اسٹیٹ بینک نے وفاقی حکومت کی ہدایات کے بعد بدھ کو ہونے والی نیلامی میں موصول ہونے والے پاکستان مارکیٹ ٹریژری بلز (ایم ٹی بیز) کی تمام بولیوں کو مسترد کردیا تھا۔
جمعرات کو حکومت نے فکسڈ لوکل کرنسی طویل مدتی پاکستان انویسٹمنٹ بانڈز (پی آئی بیز) کی فروخت کے ذریعے 200 ارب روپے کے ہدف کے مقابلے میں 83 ارب روپے جمع کیے۔
