UrduLead UrduLead
Related Articles
آئینی ترمیم کا معاملہ خصوصی پارلیمانی کمیٹی میں جانے کا امکان ہے۔
آئینی ترامیم کی بازگشت میں قومی اسمبلی اور سینیٹ کے اجلاس اتوار تک ملتوی کردیے گئے، قومی اسمبلی اتوار دن ساڑھے گیارہ اور سینیٹ اجلاس شام 4 بجے ہوگا۔
پارلیمانی ذرائع کا کہنا ہے کہ آئینی ترمیم کا معاملہ خصوصی پارلیمانی کمیٹی میں جانے کا امکان ہے، اسپیکر قومی اسمبلی کی بنائی گئی خصوصی کمیٹی میں سینیٹ ارکان کو شامل کرنے کا بھی امکان ہے، چیئرمین سینیٹ یوسف رضا گیلانی نے اپوزیشن لیڈر سے نام مانگ لیے۔
نائب وزیراعظم اسحاق ڈار کا سینیٹ میں اظہار خیال کرتے ہوئے کہنا تھا کہ پارلیمانی کمیٹی میں آئینی ترامیم پر کافی باتیں شیئر کی جا چکیں، میثاق جمہوریت کے 18سال بعد آئینی عدالت بنا رہے ہیں تو کیا برا ہے؟
اسحاق ڈار نے آئین کے آرٹیکل 63 اے کی وضاحت کے لیے آئینی ترمیم کا بھی عندیہ دے دیا۔
