UrduLead UrduLead
Related Articles
ڈنمارک کی معروف شپنگ کمپنی پاکستان میں 2 بلین ڈالر کی سرمایہ کاری کرے گی۔
مارسک 2 سال میں بندرگاہ اور ٹرانسپورٹ انفراسٹرکچر میں 2 ارب ڈالر کی سرمایہ کاری کرے گی۔
شپنگ کمپنی اور کراچی پورٹ ٹرسٹ کے درمیان رواں ماہ مفاہمت کی یادداشت پر دستخط ہوں گے۔
اس حوالے سے وفاقی وزیر بحری امور قیصر شیخ کا کہنا ہے کہ میری ٹائم سیکٹر میں پروسیسنگ پلانٹس، فشریز سیڈز اور فیڈ پر سیلز ٹیکس ختم کر دیا ہے۔
انہوں نے کہا کہ سمندری برآمدات کے لیے پروسیسنگ پلانٹس بنانے کے لیے زمین فراہم کریں گے، وزارت بحری امور سازگار ماحول فراہم کر رہی ہے۔
قیصر شیخ کا کہنا ہے کہ کاروباری برادری کو بھی فعال کردار ادا کرنا ہو گا، ایس آئی ایف سی کا یہ اقدام پاکستان کے بحری اور ٹرانسپورٹ شعبے میں پیش رفت کا عکاس ہے۔
