پاکستان نے 2026 کامن ویلتھ گیمز میں پہلا میڈل جیت لیا

ارشد ندیم کی ابتدائی مرحلے میں ہی ایونٹ سے باہر

پاکستان کی پہلی میڈل کامیابی ویمنز باکسنگ میں سامنے آئی، جہاں فاطمہ زہرا نے 60 کلوگرام کیٹیگری میں کانسی کا تمغہ حاصل کیا۔

پاکستان کی نظریں اگرچہ اولمپک گولڈ میڈلسٹ ارشد ندیم پر مرکوز تھیں، لیکن 2026 کامن ویلتھ گیمز میں ملک کا پہلا میڈل ویمنز باکسنگ میں آیا۔

فاطمہ زہرا نے 60 کلوگرام مقابلے کے سیمی فائنل میں رسائی حاصل کرکے پاکستان کے لیے میڈل یقینی بنایا تھا۔ تاہم سیمی فائنل میں انہیں کینیڈا کی میری باتھول الحمادیہ کے ہاتھوں شکست کا سامنا کرنا پڑا۔

کامن ویلتھ گیمز کے مقابلوں کے فارمیٹ کے تحت سیمی فائنل میں شکست کھانے والی دونوں باکسرز کو کانسی کے تمغے دیے جاتے ہیں۔ یوں فاطمہ زہرا نے پاکستان کے لیے ایونٹ کا پہلا میڈل حاصل کیا۔

دوسری جانب جیولن تھرو کے فائنل میں ارشد ندیم کی کارکردگی توقعات کے مطابق نہ رہی۔ پاکستان اور بھارت کے درمیان نیراج چوپڑا اور ارشد ندیم کی دوڑ پر سب کی نظریں تھیں، تاہم سری لنکا کے رمیش پاتھیراگے نے 89.75 میٹر کی شاندار تھرو کے ساتھ سب کو پیچھے چھوڑ دیا۔

ارشد ندیم کی بہترین تھرو 77.41 میٹر رہی، جو انہیں 12 کھلاڑیوں پر مشتمل فائنل میں ابتدائی تین راؤنڈز کے بعد چار کھلاڑیوں میں شامل کرنے کے لیے کافی نہ تھی، جنہیں مقابلے سے باہر کردیا گیا۔

بھارتی ایتھلیٹ نیراج چوپڑا نے 85.83 میٹر کی تھرو کرکے دوسری پوزیشن حاصل کی۔ ارشد ندیم کی ابتدائی مرحلے میں ہی ایونٹ سے باہر ہونے کے باعث پاکستان کی توجہ اب فاطمہ زہرا کے کانسی کے تمغے پر مرکوز ہے۔