UrduLead UrduLead
Related Articles
فیفا ورلڈ کپ 2026 کے گروپ مرحلے میں برازیل، مراکش اور میکسیکو نے اپنے اپنے میچز جیت کر اہم کامیابیاں حاصل کر لیں، جبکہ سوئٹزرلینڈ اور بوسنیا و ہرزیگووینا نے بھی قیمتی تین پوائنٹس اپنے نام کیے۔
گروپ اے کے میچ میں جنوبی افریقہ نے جنوبی کوریا کو ایک کے مقابلے میں صفر گول سے شکست دی۔ دونوں ٹیموں کے درمیان سخت مقابلہ دیکھنے میں آیا، تاہم جنوبی افریقہ نے فیصلہ کن گول کر کے کامیابی سمیٹ لی۔
اسی گروپ کے ایک اور مقابلے میں میکسیکو نے جمہوریہ چیک (چیکیا) کو 3-0 سے شکست دے کر اپنی طاقت کا بھرپور مظاہرہ کیا۔ میکسیکو کی ٹیم نے آغاز سے ہی جارحانہ کھیل پیش کیا اور حریف کو کوئی موقع نہ دیا۔
گروپ سی میں عالمی شہرت یافتہ ٹیم برازیل نے اسکاٹ لینڈ کو 3-0 سے ہرا دیا۔ برازیلین کھلاڑیوں نے شاندار حملہ آور کھیل کا مظاہرہ کرتے ہوئے آسان فتح حاصل کی۔
گروپ سی کے دوسرے میچ میں مراکش نے ہیٹی کو سنسنی خیز مقابلے کے بعد 2-4 سے شکست دی۔ میچ میں مجموعی طور پر چھ گول اسکور ہوئے اور شائقین کو بھرپور تفریح فراہم کی گئی۔
گروپ بی میں بوسنیا و ہرزیگووینا نے قطر کو 1-3 سے ہرا کر ایونٹ میں اپنی پہلی کامیابی حاصل کی، جبکہ سوئٹزرلینڈ نے سخت مقابلے کے بعد کینیڈا کو 1-2 سے شکست دے دی۔
ان نتائج کے بعد مختلف گروپس میں پوائنٹس ٹیبل کی صورتحال مزید دلچسپ ہو گئی ہے، جبکہ ٹیمیں ناک آؤٹ مرحلے میں رسائی کے لیے اگلے میچز میں بھرپور جدوجہد کریں گی۔
