UrduLead UrduLead
Related Articles
اسلام آباد میں پریس کانفرنس کے دوران پاکستان پیپلز پارٹی کے چیئرمین Bilawal Bhutto Zardari اور وفاقی وزیر Shazia Marri کے درمیان مختصر جملوں کا تبادلہ ہوا جس کی ویڈیو سوشل میڈیا پر تیزی سے وائرل ہوگئی۔
پریس کانفرنس کے دوران بے نظیر انکم سپورٹ پروگرام کو صوبوں کے حوالے کرنے سے متعلق سوال پوچھا گیا تو بلاول بھٹو زرداری نے کہا کہ انہیں اس معاملے کا علم نہیں۔ اس موقع پر شازیہ مری نے مداخلت کرتے ہوئے وضاحت کی کہ ایک وفاقی وزیر نے اس بارے میں بیان دیا ہے۔
اس پر بلاول بھٹو زرداری نے جواب دیتے ہوئے کہا کہ “میں نے آپ سے نہیں پوچھا”، جس کے بعد ماحول کچھ دیر کے لیے غیر رسمی اور کشیدہ ہوگیا۔ شازیہ مری نے کہا کہ وہ صرف وضاحت دے رہی تھیں جس پر بلاول نے مختصر انداز میں “شکریہ، شکریہ آپ کا” کہا۔
واقعے کی ویڈیو سامنے آتے ہی سوشل میڈیا پر صارفین کی جانب سے مختلف ردعمل سامنے آئے۔ کئی صارفین نے اس گفتگو کو سخت لہجے سے تعبیر کیا جبکہ کچھ نے اسے معمول کی سیاسی پریس کانفرنس کا حصہ قرار دیا۔
