UrduLead UrduLead
Related Articles
پاکستان نے مئی 2026 کے لیے ایل این جی کی اسپاٹ خریداری کے تحت دو کارگوز کے لیے عالمی ٹینڈر جاری کر دیے ہیں، جس کا مقصد توانائی کی ضروریات کو بروقت پورا کرنا ہے۔
پیٹرولیم ڈویژن کے ذرائع کے مطابق پاکستان ایل این جی لمیٹڈ نے عالمی سپلائرز سے بڈز طلب کی ہیں، جنہیں 7 مئی تک جمع کرایا جا سکتا ہے۔ موصول ہونے والی بڈز اسی روز کھولی جائیں گی۔
ذرائع کے مطابق پہلے ایل این جی کارگو کی فراہمی 12 سے 14 مئی کے درمیان متوقع ہے، جبکہ دوسرے کارگو کی ڈیلیوری 24 سے 26 مئی کے دوران رکھی گئی ہے۔
حکام کا کہنا ہے کہ اسپاٹ خریداری کا فیصلہ گیس کی طلب میں اضافے اور سسٹم میں سپلائی کو برقرار رکھنے کے لیے کیا گیا ہے، تاکہ صنعتوں اور گھریلو صارفین کو گیس کی بلا تعطل فراہمی یقینی بنائی جا سکے۔
ماہرین کے مطابق عالمی مارکیٹ میں ایل این جی کی قیمتوں میں اتار چڑھاؤ کے باعث اسپاٹ خریداری کے فیصلے توانائی کی لاگت اور ملکی معیشت پر براہ راست اثر انداز ہوتے ہیں، جبکہ بروقت ٹینڈرنگ سے سپلائی میں خلل سے بچنے میں مدد ملتی ہے۔
