UrduLead UrduLead
Related Articles
غیر سرکاری اور غیر حتمی نتائج کے مطابق قومی و صوبائی اسمبلی کے 13 حلقوں میں ووٹوں کی گنتی جاری ہے اور مختلف پولنگ اسٹیشنز سے ابتدائی نتائج سامنے آنے لگے ہیں۔
این اے 18 ہری پور کے 602 میں سے 30 پولنگ اسٹیشنز کے غیر سرکاری نتائج کے مطابق مسلم لیگ ن کے بابر نواز خان 7109 ووٹ لے کر پہلے نمبر پر ہیں، جبکہ آزاد امیدوار شہر ناز عمر ایوب 5518 ووٹوں کے ساتھ دوسرے نمبر پر موجود ہیں۔
این اے 96 فیصل آباد 2 کے 345 میں سے 36 پولنگ اسٹیشنز کے نتائج کے مطابق مسلم لیگ ن کے محمد بلال بدر نے 10390 ووٹ حاصل کیے اور واضح برتری برقرار رکھی، جبکہ آزاد امیدوار نواب شیر وسیر نے 2408 ووٹ لیے۔
این اے 104 فیصل آباد 10 کے 66 پولنگ اسٹیشنز کے نتائج کے مطابق مسلم لیگ ن کے دانیال احمد 7632 ووٹ لے کر سبقت میں ہیں، جبکہ آزاد امیدوار رانا عدنان جاوید 3822 ووٹوں کے ساتھ دوسرے نمبر پر ہیں۔
ڈیرہ غازی خان کے حلقہ این اے 185 میں 35 پولنگ اسٹیشنز کے نتائج کے تحت مسلم لیگ ن کے محمود قادر خان 17840 ووٹوں کے ساتھ آگے ہیں جبکہ پیپلز پارٹی کے دوست محمد کھوسہ 6897 ووٹ لے کر پیچھے ہیں۔
پی پی 269 مظفر گڑھ 2 میں 39 پولنگ اسٹیشنز کے غیر سرکاری نتائج کے مطابق پیپلز پارٹی کے میاں علم دار عباس قریشی 16003 ووٹ لے کر پہلی پوزیشن پر ہیں، جبکہ آزاد امیدوار محمد اقبال خان پتافی 11620 ووٹوں کے ساتھ دوسرے نمبر پر ہیں۔
اسی طرح پنجاب اسمبلی کے حلقہ پی پی 203 ساہیوال 6 کے 40 پولنگ اسٹیشنز کے مطابق مسلم لیگ ن کے محمد حنیف 12023 ووٹوں کے ساتھ آگے ہیں اور آزاد امیدوار فلک شیر 2202 ووٹ لے کر دوسرے نمبر پر موجود ہیں۔
ضمنی انتخاب کے دوران ملک کے مختلف شہروں — ہری پور، لاہور، فیصل آباد، ساہیوال، ڈیرہ غازی خان، سرگودھا، میانوالی اور مظفر گڑھ — میں عوام نے حق رائے دہی استعمال کیا۔
بزرگ، خواتین، نوجوانوں اور معذور افراد کی بڑی تعداد پولنگ اسٹیشنز پہنچی جبکہ تمام حلقوں میں مجموعی طور پر امن و امان کی صورتِ حال قابو میں رہی۔ کسی بڑے ناخوشگوار واقعے یا سنگین خلاف ورزی کی اطلاع سامنے نہیں آئی۔
