UrduLead UrduLead
Related Articles
اداکارہ اقرا عزیز اور یاسر حسین شوبز کے مقبول ترین جوڑوں میں شمار ہوتے ہیں، مگر حال ہی میں ماڈل و اداکارہ صحیفہ جبار کھٹک کا ایک پرانا انٹرویو دوبارہ وائرل ہوگیا ہے جس میں انہوں نے اس جوڑے سے متعلق ایک دلچسپ مگر تلخ واقعہ سنایا ہے۔ اس کلپ نے سوشل میڈیا پر نئی بحث چھیڑ دی ہے۔
صحیفہ جبار کے مطابق وہ اس وقت اقرا اور یاسر دونوں کی دوست تھیں۔ تینوں ایک ساتھ کینیڈا کے شہر ٹورنٹو میں موجود تھے جہاں ایک کلب میں ان کے درمیان جھگڑا ہوا۔ صحیفہ نے بتایا کہ یاسر حسین اس وقت ان کے ساتھ “زیادہ دوستانہ” رویہ اختیار کیے ہوئے تھے، جس پر اقرا عزیز ناراض ہوگئیں۔
انٹرویو میں صحیفہ نے کہا کہ اس صورتحال نے اقرا کو غصہ دلایا اور انہوں نے یاسر کے چہرے پر ڈرنک پھینک دیا، جب کہ مبینہ طور پر صحیفہ کو بھی تھپڑ مارا۔ واقعے کے بعد کلب کے اسٹاف نے تینوں کو باہر نکال دیا تھا۔ یہ گفتگو ہدایت کار وجاہت رؤف نے اپنے شو میں پرانی یادیں تازہ کرتے ہوئے صحیفہ سے کروائی تھی۔
وجاہت رؤف نے بتایا کہ اس جھگڑے میں صرف اقرا ہی نہیں بلکہ تینوں کی غلطی تھی، اور معاملہ دراصل ایک غلط فہمی کی وجہ سے بگڑ گیا۔ صحیفہ نے بھی اعتراف کیا کہ جھگڑا غیر ضروری تھا اور وہ خود بھی اس میں جزوی طور پر ذمہ دار تھیں۔
یہ کلپ سامنے آنے کے بعد مداحوں کی جانب سے مختلف آراء سامنے آرہی ہیں۔ کچھ لوگ اسے ماضی کی غیر سنجیدہ غلط فہمیاں قرار دے رہے ہیں، جب کہ کئی صارفین کا کہنا ہے کہ اس واقعے کو غیر ضروری طور پر پھر سے اچھالا جارہا ہے۔
اقرا عزیز اور یاسر حسین اب happily married ہیں اور اپنے بیٹے کبیر کے ساتھ خوشگوار زندگی گزار رہے ہیں، جبکہ ان کے ہاں جلد دوسرے بچے کی آمد متوقع ہے۔
