UrduLead UrduLead
Related Articles
گزشتہ ہفتے 11 اشیائے ضروریہ کی قیمتوں میں اضافہ
نئے مالی سال کے پہلے ہی مہینے مہنگائی بڑھنے کی شرح میں بڑا اضافہ ریکارڈ کیا گیا ہے، جون کے مقابلے جولائی میں مہنگائی کی شرح 2.9 فیصد بڑھ گئی جس کے بعد گزشتہ ماہ مہنگائی کی سالانہ شرح 4.07 فیصد ہوگئی ۔
ادارہ شماریات نے مہنگائی سے متعلق ماہانہ رپورٹ جاری کرتے ہوئے بتایا ہے کہ جون 2025 میں مہنگائی کی سالانہ شرح 3.23 فیصد رہی جبکہ جولائی 2024 میں 11.1 فیصد ریکارڈ کی گئی تھی۔
رپورٹ کے مطابق گزشتہ ماہ دیہات میں ماہانہ بنیاد پر مہنگائی کی شرح میں 2.15 فیصد اور شہروں میں مہنگائی میں 3.45 فیصد کا اضافہ ہوا ۔
ادارہ شماریات کا کہنا ہے کہ گزشتہ ماہ دیہات میں مہنگائی کی سالانہ شرح 3.53 فیصد اور شہروں میں مہنگائی کی سالانہ شرح 4.43 فیصد رہی۔
واضح رہے کہ وزارت خزانہ نے جولائی کے لیے مہنگائی کا تخمینہ 3.5 سے 4.5 فیصد کے درمیان لگایا تھا ۔
ہفتہ وار مہنگائی کے اعدادوشمار
وفاقی ادارہ شماریات نے مہنگائی کے ہفتہ وار اعدادوشمار جاری کر دیئے
گزشتہ ہفتے مہنگائی میں 0.35 فیصد کمی،سالانہ شرح 1.98 فیصد ریکارڈ کی گئی،11 اشیائے ضروریہ کی قیمتوں میں اضافہ، 12 کے نرخ کم ہوئے،انڈے،بیف،خشک دودھ،لہسن،مٹن، گڑ، پیاز کی قیمتوں میں اضافہ ریکارڈ کیا گیا۔
رپورٹ کےمطابق گزشتہ ہفتےجلانےکی لکڑی،انرجی سیور، سگریٹس کی قیمتوں میں اضافہ ہوا،ٹماٹر، چکن، چینی، دال مونگ، آلو، دال ماش،گندم کا آٹا سستی اشیاء میں شامل ہیں،چینی کی قیمت میں 0.71 فیصد کمی، اوسط قیمت 179.33 روپے فی کلو رہی۔
ادارہ شماریات کی رپورٹ کےمطابق مختلف شہروں میں چینی 190 روپے فی کلو تک بھی فروخت ہوئی، پشاور اور فیصل آباد میں چینی کا ریٹ 190 روپے کلو تک ریکارڈ کی گئی،پنجاب کے مختلف شہروں میں 173، راولپنڈی اسلام آباد میں 185 روپے کلو میں فروخت ہورہی۔
ادارہ شماریات رپورٹ کےمطابق دال چنا، ایل پی جی کی قیمتوں میں بھی معمولی کمی ریکارڈ کی گئی،اس دوران 28 اشیائے ضروریہ کی قیمتوں میں استحکام رہا۔
