پیر , اکتوبر 13 2025

پی ایس ایکس میں ایک لاکھ 36 ہزارتاریخی سطح بھی عبور

پاکستان اسٹاک ایکسچینج ( پی ایس ایکس) میں کاروباری ہفتے کے پہلے روز تیزی دیکھی جارہی ہے، دوران ٹریڈنگ کے ایس ای 100 انڈیکس نے ایک ہزار 841 پوائنٹس بڑھ کر ایک لاکھ 36 ہزار کی نئی تاریخی سطح بھی عبور کرلی ہے۔

پی ایس ایکس کی ویب سائٹ کے مطابق پیر کے روز کاروبار کے دوران دن 12 بج کر 19 منٹ پر پاکستان اسٹاک مارکیٹ میں کے ایس ای 100 انڈیکس ایک ہزار 841 پوائنٹس کے اضافے سے ایک لاکھ 36 ہزار 140 پوائنٹس پر ٹریڈ کررہا تھا، گزشتہ ہفتے کاروبار کا اختتام ایک لاکھ 34 ہزار 299 پوائنٹس پر ہوا تھا۔

پیر کو 465 کمپنیوں کے شیئرز کا کاروبار ہوا، 308 کمپنیوں کے حصص کی قیمتوں میں اضافہ، 151 کمپنیوں کے شیئرز کی قیمتوں میں کمی دیکھی گئی، جب کہ 6 کمپنیوں کے حصص کی قیمتیں مستحکم رہیں۔

پاکستان اسٹاک مارکیٹ دنیا میں تیزی سے ابھرتی ہوئی مارکیٹ ہے، جس نے حالیہ عرصے میں عالمی سطح پر متعدد بحرانوں کے باوجود ترقی کا سفر برقرار رکھا ہے۔

مئی میں بھارت-پاکستان کے درمیان کشیدگی اور جنگی صورت حال، جون میں اسرائیل-ایران 12 روزہ جنگ کے بعد پاکستان اسٹاک مارکیٹ نے تیزی سے ریکوری کی، اور اب ترقی کی نئی منازل طے کر رہی ہے۔

یاد رہے کہ پاکستان اسٹاک ایکسچینج میں تیزی، ترسیلات زر میں ریکارڈ اضافے، مہنگائی کی شرح میں کمی جیسے اہم اشاریے حکومت کی جانب سے معشیت میں بہتری کے لیے کی جانے والی کوششوں کے عکاس ہیں۔

About Aftab Ahmed

Check Also

پاکستان اسٹاک ایکسچینج میں شدید مندی

پاکستان اسٹاک ایکسچینج (پی ایس ایکس) میں کاروباری ہفتے کے پہلے روز شدید مندی دیکھی …