UrduLead UrduLead
Related Articles
آئی ایم ایف کی ڈائریکٹر کمیونیکیشنز جولی کوزیک نے کہا ہے کہ پاکستان میں نئی کابینہ کی تشکیل کے فوراً بعد اسٹینڈ بائی کے دوسرے جائزے کے لیے مشن بھیجا جائے گا۔
واشنگٹن میں آئی ایم ایف کی ڈائریکٹر کمیونیکیشنز جولی کوزیک نےپریس بریفنگ میں یہ بات کہی ہے۔
ان کا کہنا ہے کہ فی الحال توجہ موجودہ اسٹینڈ بائی پروگرام کی تکمیل پر ہے، جو اپریل 2024ء میں ختم ہو رہا ہے۔
آئی ایم ایف کی ڈائریکٹر کمیونیکیشنز نے بتایا کہ آئی ایم ایف معاشی استحکام یقینی بنانے کے لیے نئی حکومت کے ساتھ پالیسیوں پر کام کرنے کا منتظر ہے۔
انہوں نے اس موقع پر پاکستان کی سیاسی صورتِ حال پر تبصرے سے گریز کیا۔
آئی ایم ایف کی ڈائریکٹر کمیونیکیشن جولی کوزیک نے کہا کہ نگراں حکومت نے مالی اہداف پرعمل کرتے ہوئے معاشی استحکام برقرار رکھا۔
انہوں نے مزید کہا کہ پاکستانی عوام کی بھلائی کے لیے حکومت کے ساتھ مل کر کام کرنا چاہتے ہیں۔
آئی ایم ایف کی ڈائریکٹر کمیونیکیشنز جولی کوزیک کا یہ بھی کہنا ہے کہ اسٹینڈ بائی ارینجمنٹ کے تحت پاکستان کو 1.9 ارب ڈالرز مل چکے ہیں۔
