UrduLead UrduLead
Related Articles
پاکستان اور بنگلہ دیش کے درمیان تین میچوں پر مشتمل ٹی ٹوئنٹی انٹرنیشنل سیریزآج سے قذافی اسٹیڈیم لاہور میں شروع ہو رہی ہے۔
پہلا میچ آج رات 8 بجے کھیلا جائے گا جبکہ باقی دو میچز 30 مئی اور یکم جون کو بھی اسی مقام پر منعقد ہوں گے، پاکستان ٹیم کی قیادت سلمان علی آغا کریں گے۔
پاکستان کرکٹ بورڈ نے وسیم جونیئر کی جگہ حالیہ پی ایس ایل 10میں سب سے زیادہ وکٹیں لینے والے عباس آفریدی کو اس سیریز میں موقع دیا ہے
کپتان سلمان آغا نے کہا ہے کہ کھلاڑی بہترین فارم اور اعتماد کے ساتھ میدان میں اتریں گے، پی ایس ایل جیسے مسابقتی ٹورنامنٹ میں کارکردگی دکھانے والے کھلاڑی اس سیریزمیں بھی مومینٹم برقراررکھیں گے۔
سلمان آغا نے شائقین سے اپیل کی کہ وہ بڑی تعداد میں اسٹیڈیم آئیں اورنہ صرف ٹیم بلکہ کھیل کے جذبے کی بھی حمایت کریں۔
بنگلہ دیش کے کپتان لٹن داس نے کہا کہ لاہور میں ان کی ٹیم کا ٹریننگ سیشن اچھا رہا ہے اور تمام کھلاڑی پرجوش اور بھرپور تیاری کے ساتھ میدان میں اتریں گے۔
