UrduLead UrduLead
Related Articles
جمعیت علمائے اسلام کے سربراہ مولانا فضل الرحمٰن نے کہا ہے کہ دشمن کیخلاف پوری قوم کو متحد ہونے کی ضرورت ہے، پاکستانی فوج نے بہترین دفاع کیا، سفارتی اقدامات سے متعلق مطمئن نہیں، سفارتی مشنز بیرون ملک بھیجنے چاہئیں۔
قومی اسمبلی میں بھارتی جارحیت کے موضوع پر اظہار خیال کرتے ہوئے مولانا فضل الرحمٰن نے کہا کہ بھارت نے مساجد، مدارس اور سویلین علاقوں پہ راکٹ داغے، ہمارے بھائی، بہنیں شہید ہوئے، بری ہو یا فضائی، پاکستانی فوج نے بہترین دفاع کیا، مسلح افواج کو خراج تحسین پیش کرتا ہوں۔
مولانا فضل الرحمٰن نے کہا کہ آج جے یو آئی نے پورے ملک میں یوم دفاع وطن منانے کا اعلان کیا ہے،پشاور میں 11مئی کو ملین مارچ اور 15مئی کو کوئٹہ میں ملین مارچ ہو گا۔
انہوں نے کہا کہ انصار الاسلام کو شہری دفاع کی ہدایت دے دی ہے، طبی امداد اور ریلیف جیسی سہولتیں دینے کا اعلان کرتے ہیں۔
مولانا فضل الرحمٰن نے کہا کہ پوری قوم کو یقین دلاتا ہوں کہ آج پہلے مورچے میں لڑنے کی جو ہمت رکھتا ہے وہ مدارس کے بچے ہیں، ہم نے دنیا کو دکھانا ہے کہ ہم سب ایک ہیں، ہم فوج کے شانہ بشانہ لڑنے کا اعلان کر چکے ہیں،جانے آپ کب مدارس کو ساتھ لے کر چلنے کا اعلان کریں گے۔
مولانا فضل الرحمٰن نے کہا کہ ان حالات میں ایک ہی قومی بیانیہ ہونا چاہیے، ابھی فیصلہ کرنا چاہیے کہ ہم نے کہاں تک جانا ہے، ہمارے سفارتی مشنز بیرون ملک بھیجنے چاہئیں،ہمیں چین، سعودی عرب، یو اے ای، افغانستان اور ایران کو انگیج کرنا چاہیے تھا، میں سفارتی اقدامات سے متعلق مطمئن نہیں۔
انہوں نے کہاکہ بھارت ہمارے خلاف اسرائیلی اسلحہ استعمال کررہا ہے، سفارتی رابطوں سے مطمئن نہیں ہوں، ہم نے پڑوسی ممالک سے ویسے سفارتی تعلقات قائم نہین کیے جیسےہونےچاہیےتھے۔
