UrduLead UrduLead
Related Articles
وفاقی دارالحکومت اسلام آباد و راولپنڈی کے مختلف علاقوں میں بارش اور ژالہ باری کے بعد موسم خوشگوار ہو گیا۔
وفاقی دارالحکومت میں گرج چمک کے ساتھ بارش اور مختلف علاقوں میں ژالہ باری بھی ہوئی۔
بارش کے بعد شہر کا موسم خوشگوار ہو گیا۔ راولپنڈی میں بھی وقفے وقفے سے بارش ہوئی۔
راولپنڈی کے علاقے چونترہ میں شدید ژالہ باری ہوئی۔ اور بڑے سائز کے اولے پڑنے سے گندم کی کھڑی فصلیں متاثر ہوئیں۔
مری میں بھی کالی گھٹائیں چھا گئیں۔ تیز ہواؤں کے ساتھ ہلکی بارش کا سلسلہ شروع ہوا۔ سیاح حسین نظارے سے لطف اندوز ہوئے۔
خان پور میں بھی تیز بارش اور مختلف علاقوں میں ژالہ باری ہوئی۔ جس کے بعد گرمی کی شدت میں کمی ہو گئی۔
وادی نیلم میں بھی گرج چمک کے ساتھ موسلادھار بارش کا سلسلہ وقفے وقفے سے جاری رہا۔ موسلادھار بارش کے باعث دریائے نیلم سمیت ندی نالوں کے پانی کے بہاؤ میں اضافہ ہو گیا۔
وادی نیلم میں تیز ہوائیں اور آندھی چلنے کے باعث پاور ہاؤس کے فیڈر ٹرپ کر گئے جس کے باعث مختلف علاقوں میں بجلی کی ترسیل متاثر ہوئی۔
واضح رہے کہ دو روز قبل بھی اسلام آباد میں تیز بارش اور شدید ژالہ باری ہوئی تھی۔ مختلف علاقوں میں شدید ژالہ باری کے باعث گاڑیوں اور گھروں کے شیشے ٹوٹ گئے تھے۔
