UrduLead UrduLead
Related Articles
سربراہ جے یو آئی (ف) مولانا فضل الرحمان نے کہا ہے کہ کسی پارٹی پر پابندی لگانے کے حق میں نہیں ہے، جس طرح کےحالات ہیں موجودہ حکومت کو مستعفی ہوجانا چاہیے۔
مولانا فضل الرحمان نے خان پور میں میڈیا سے گفتگو کرتے ہوئے کہا کہ اسلام آباد میں جو کچھ بھی ہوا، اچھا نہیں ہوا، 27 ویں آئینی ترمیم سے متعلق ہمیں کوئی اطلاعات نہیں ہیں ۔
انہوں نے کہا کہ کے پی کے میں اس وقت کوئی حکومت نہیں ہے، ملک میں کسی پارٹی پر پابندی یا گورنر راج لگانے کے حالات نہیں ہیں ۔
مولانا فضل الرحمان سے ایک صحافی نے سوال کیا کہ کیا ڈونلڈ ٹرمپ بانی پی ٹی آئی کو رہا کرائے گا؟ جس کے جواب میں سربراہ جے یو آئی نے کہا کہ کیا اب ٹرمپ پاکستان کے فیصلے کرے گا؟ انااللہ واناالیہ راجعون ، بیرونی طاقت کے اثرات سے ہم پاکستان میں سیاست نہیں کرسکتے۔
