UrduLead UrduLead
Related Articles
انڈیپینڈنٹ پاور پروڈیوسرز (آئی پی پیز) جن سے دوسرے مرحلے میں پوچھ گچھ کی جانی ہے تاکہ انہیں ٹیک یا پے ٹو ٹیک اور پے موڈ میں منتقل کیا جائے، اب مبینہ طور پر گزشتہ دو ہفتوں سے سی پی پی اے-جی کی جانب سے ان کی ادائیگی روکنے پر احتجاج کر رہے ہیں۔
توقع کی جارہی ہے کہ حکومت 1994 اور 2002 کی پالیسیوں کے 18 آئی پی پیز کو بجلی کی خریداری کے معاہدوں (پی پی اے) کی شرائط پر مذاکرات کے لئے کالنگ نوٹس بھیجے گی۔
’ہٹ لسٹ‘ میں شامل ایک آئی پی پی نے سینٹرل سی سی پی اے-جی کو 19 ستمبر 2024 کے خط کا حوالہ دیتے ہوئے ایک خط لکھا ہے جس میں اس نے 2.390 ارب روپے جاری کرنے کی درخواست کی ہے تاکہ کمپنی کے غیر ملکی قرض دہندگان، ایشیائی ترقیاتی بینک (اے ڈی بی)، انٹرنیشنل فنانشل کارپوریشن (آئی ایف سی)،اسلامی ترقیاتی بینک (آئی ایس ڈی بی) اور سوسائٹی ڈی پروموشن ای ٹی ڈی ای کو اگلی قرض ادائیگی کی قسط کی بروقت ادائیگی کو یقینی بنایا جاسکے۔ جو 5 نومبر 2024 ء کو واجب الادا ہے۔
خط میں کہا گیا ہے کہ ہم نے تشویش کے ساتھ نوٹ کیا ہے کہ 3 اکتوبر 2024 سے سی پی پی اے-جی کی جانب سے کوئی ادائیگی جاری نہیں کی گئی اور ہماری درخواست کے بعد موصول ہونے والی کل ادائیگی 87 کروڑ 50 لاکھ روپے ہے جس کا مطلب ہے کہ 1 ارب 51 کروڑ 50 لاکھ روپے کا شارٹ فال ہے۔ بظاہر میڈیا رپورٹس سے پتہ چلتا ہے کہ کچھ دوبارہ مذاکرات کی تیاری کے لئے ادائیگیاں روک دی گئی ہیں۔
کمپنی کے مطابق موجودہ شارٹ فال کے پیش نظر لاریب انرجی لمیٹڈ کثیر الجہتی قرض دہندگان کو اپنی آخری قسط بروقت فراہم نہیں کر سکے گی۔
“ہم فوری طور پر کمپنی کے غیر ملکی قرضوں کی عدم ادائیگی سے بچنے کے لئے اپنی ادائیگیوں کو فوری طور پر جاری کرنے کی درخواست کرتے ہیں، کیونکہ اس ذمہ داری کو پورا کرنے میں ناکامی کے سنگین نتائج ہوں گے.
ڈیفالٹ نہ صرف لاریب انرجی لمیٹڈ کو خطرے میں ڈالتا ہے بلکہ عالمی سطح پر ملک کی مالیاتی ساکھ کو بھی نقصان پہنچانے کا خطرہ ہے۔ پاور کمپنی کے چیف فنانشل آفیسر نے سی ای او سی پی پی اے-جی کو لکھے گئے اپنے خط میں لکھا کہ کمپنی اور ملک کی ساکھ دونوں کے تحفظ کے لیے فوری اقدامات ناگزیر ہیں۔
