UrduLead UrduLead
Related Articles
وفاقی دارالحکومت کی ساٹھ سالہ تاریخ میں پہلی مرتبہ اسلام آباد کا ماسکوٹ اور سیاحتی لوگو متعارف کرایا جائے گا،
مارگو نامی تیندوا کا ماسکوٹ، لوگو اور پینا فلیکس اسلام آباد کے تفریحی مقامات سمیت پارکوں، ہسپتالوں، شاپنگ مالز، میٹرو سٹیشنز، مارگلہ ٹریلز سمیت مختلف مقامات پر لگایا جائے گا ۔
مارگو نے سن گلاسز، کیپ اور رومال پہننا رکھا ہے اور شہریوں کو مختلف پیغامات کے زریعے آگاہی دے گا۔
سی ڈی اے بورڈ نے اسلام آباد کے ماسکوٹ مارگو کو متعارف کروانے کی منظوری دیدی ہے۔ معدومیت کے خطرے سے دوچار ایشیائی تیندوے کو اسلام آباد کا ماسکوٹ ڈکلیئر کیا گیا ہے،
اسلام آباد کا سیاحتی لوگو مارگو مارگلہ پہاڑیوں سے اخذ کیا گیا ہے ،مارگو کو اسلام آباد کے تمام داخلی راستوں، سیاحتی مقامات پر لگایا جائیگا۔
مارگو کو اسلام آباد کے تمام بڑے پارکس، میٹرو اسٹیشنز، پاک چائنا سینٹر، کنونشن سینٹر، مارگلہ ٹریلز پر بھی لگایا جائیگا۔
مزید براں سیاحتی لوگو کو اسلام آباد کے تعلیمی، ثقافتی اداروں کے داخلی راستوں پر بھی لگایا جائیگا ، سی ڈی اے حکام کے مطابق مارگو اسلام آباد کا مثبت تشخص اجاگر کرنے کیلئے لانچ کیا جائے گا،
مارگو اسلام آباد کی پہچان ہو گا بالکل اسی طرح جیسے دنیا کے تمام بڑے ممالک نے اپنے شہروں کے لئے ایک مخصوص کریکٹر بنا یا ہوتا ہے جس کے زریعے مختلف پیغامات اور آگاہی پیدا کی جاتی ہے ۔
حکام کے مطابق اس سیاحتی لوگو کے ذریعے عالمی سطح پرمارگلہ پہاڑیوں کو بھی فروغ دیا جائیگا،معدومیت کا شکار تیندوے کی بقا کیلئے کوششیں بھی اجاگر کی جائیں گی۔
