UrduLead UrduLead
Related Articles
محکمہ موسمیات نے پریس ریلیز جاری کرتے ہوئے ملک کے مختلف علاقوں میں 25 جنوری (اتوار) کی رات سے 27 جنوری (منگل) تک مزید بارش اور برفباری کی پیشگوئی کی ہے۔
محکمہ کے مطابق ایک نیا مغربی ہواؤں کا سلسلہ 25 جنوری (اتوار) کو ملک کے مغربی علاقوں میں داخل ہوگا، جو 26 جنوری کو بالائی علاقوں کو اپنی لپیٹ میں لے لے گا۔ اس موسمی نظام کے زیرِ اثرعلاقوں میں موسم کی تبدیلی متوقع ہے
25 جنوری (رات) اور 26 جنوری کے دوران بلوچستان کے بیشتر اضلاع (کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی، ژوب، قلات، بارکھان، سبی، لورالائی، تربت، گوادر، جیوانی، کیچ، آواران، چاغی، پنجگور، خضدار، واشک اور خاران) میں تیز ہواؤں اور گرج چمک کے ساتھ بارش، جبکہ بالائی علاقوں میں برفباری ہوگی۔
26 جنوری کو بالائی سندھ (سکھر، لاڑکانہ، جیکب آباد، دادو) میں بھی تیز ہواؤں اور گرج چمک کے ساتھ بارش کا امکان ہے۔
26 اور 27 جنوری کے دوران گلگت بلتستان (دیامر، استور، غذر، اسکردو، ہنزہ، گلگت، گانچھے، شگر)، آزاد کشمیر (وادی نیلم، مظفرآباد، پونچھ، ہٹیاں، باغ، راولاکوٹ، حویلی)، خیبر پختونخوا کے بالائی اضلاع (چترال، دیر، سوات، کالام، شانگلہ، کوہستان، بٹگرام، مانسہرہ، ایبٹ آباد، بنوں، پشاور، نوشہرہ، صوابی، مالاکنڈ، مردان، کوہاٹ، کرم، خیبر، ہنگو، باجوڑ، ڈیرہ اسماعیل خان، وزیرستان)، مری، گلیات، اسلام آباد، راولپنڈی، چکوال، اٹک، منڈی بہاؤالدین، سیالکوٹ، نارووال، لاہور، شیخوپورہ، گجرات، سرگودھا، میانوالی، گوجرانوالہ، ملتان، لیہ، بھکر اور ڈیرہ غازی خان میں وقفے وقفے سے تیز ہواؤں اور گرج چمک کے ساتھ بارش، جبکہ پہاڑی علاقوں میں برفباری (چند مقامات پر شدید برفباری) متوقع ہے۔
محکمہ موسمیات نے خبردار کیا ہے کہ 26 جنوری (رات) سے 27 جنوری کے دوران شدید برفباری کے باعث ناران، کاغان، دیر، سوات، کالام، چترال، کوہستان، مانسہرہ، ایبٹ آباد، شانگلہ، استور، ہنزہ، اسکردو، مری، گلیات، وادی نیلم، باغ، پونچھ، حویلی، کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی اور ژوب میں سڑکیں بند ہو سکتی ہیں اور پھسلن کی وجہ سے ٹریفک کی روانی متاثر ہوگی۔
بالائی خیبر پختونخوا، کشمیر اور گلگت بلتستان کے پہاڑی علاقوں میں لینڈ سلائیڈنگ اور برفانی تودوں کا خطرہ بڑھ سکتا ہے۔ سیاحوں اور مسافروں کو محتاط رہنے، غیر ضروری سفر سے گریز کرنے اور احتیاطی تدابیر اختیار کرنے کی ہدایت کی گئی ہے۔ اس دوران دن کے درجہ حرارت میں نمایاں کمی متوقع ہے۔
