UrduLead UrduLead
Related Articles
دنیائے کرکٹ کے کئی بڑے نام پاکستان سپر لیگ (پی اسی ایل) سے منسلک ہوگئے ہیں،
ڈرافٹ کے دوران ٹیموں نے پلاٹینیم اور ڈائمنڈ کیٹیگری میں متعدد نامور کھلاڑیوں کا انتخاب کیا جن میں ڈیوڈ وارنر، ڈیرل مچل، ایڈم مِلن، مارک چیپمین سمیت کئی کھلاڑی ایکشن میں نظر آئیں گے۔
پی ایس ایل 10 کی ڈرافٹ کی تقریب لاہور کے شاہی قلعہ حضوری باغ میں ہوئی، تقریب کے آغاز میں قومی ترانہ پڑھا گیا جب کہ قومی ترانے کے بعد دل دل پاکستان کی سریلی دھن بھی بجائے گئے۔
پاکستان سپر لیگ 10 کی ڈرافٹنگ کا آغاز ایونٹ کی سب سے بڑی کیٹیگری ’پلاٹینیم‘ سے ہوا جس میں قانوناً پہلا کھلاڑی منتخب کرنے کا حق لاہور قلندرز کے پاس تھا اور دوسرا کھلاڑی کا حق کراچی کنگز کے پاس تھا۔
لاہور قلندرز نے پلاٹینیم کیٹیگری میں اپنے چناؤ کا آغاز نیوزی لینڈ کے بلے باز ڈیرل مچل سے کیا جب کہ کراچی کنگز نے سب سے پہلے آسٹریلیا کے جارح مزاج اوپننگ بلے باز ڈیوڈ وارنر کو منتخب کیا۔
کراچی کنگز نے پلاٹینیم میں ڈیوڈ وارنر کے علاوہ نیوزی لینڈ کے ایڈم ملن اور عباس آفریدی کا انتخاب بھی کیا۔
اس کے علاوہ کوئٹہ گلیڈی ایٹرز نے پلاٹینیم کیٹیگری میں نیوزی لینڈ کے مارک چیپمین، فن ایلن اور قومی آل راؤنڈر فہیم اشرف کا انتخاب کیا۔
کوئٹہ گلیڈی ایٹرز نے ٹام کوہلر کیڈمور کو بھی منتخب کیا تھا تاہم پشاور زلمی نے پلاٹینیم میں رائٹ ٹو میچ کے ذریعے ٹام کوہلر کیڈمور کو ریٹین کیا۔
ملتان سلطانز نے نیوزی لینڈ کے مائیکل بریسویل اور دفاعی چیمپین اسلام آباد نے پلاٹینیم میں آسٹریلیا کے میتھیو شارٹ کو منتخب کیا۔
ڈائمنڈ کیٹیگری میں 5 کھلاڑیوں کا انتخاب کیا گیا, کراچی کنگز نے خوشدل شاہ کا انتخاب کیا جب کہ پشاور زلمی نے جنوبی افریقہ کے کاربن بوش اور فاسٹ باؤلر محمد علی کو ٹیم کا حصہ بنایا جو پچھلی بار ملتان سلطان میں شامل تھے۔
اسلام آباد یونائیٹڈ نے ویسٹ انڈیز کے جیسن ہولڈر اور لاہور قلندرز نے سری لنکا کے جارح مزاج بلے باز کوشل پریرا کو پک کیا۔
گولڈ کیٹیگری میں پشاور زلمی نے بنگلہ دیش کے فاسٹ باؤلر ناہیڈ رانا، حسین طلعت اور عبدالصمد کو منتخب کیا جب کہ ملتان سلطانز نے کامران غلام اور محمد حسنین کو ٹیم کا حصہ بنایا۔
اس کے علاوہ کراچی کنگز نے عامر جمال کو ٹیم میں شامل کیا اور اسلام آباد یونائیٹڈ نے بین ڈوارشئیس کو ٹیم کا حصہ بنایا۔
پاکستان سپر لیگ کے دسویں سیزن کے لیے تمام ٹیموں نے اپنے اسکواڈ کا انتخاب کرلیا۔
ملتان سلطانز نے شائے ہوپ، جانسن چارلس، گداکیش موتی، مائیکل بریسویل، جوش لٹل ، طیب طاہر، عاکف جاوید، کامران غلام محمد حسنین اور دیگر کا انتخاب کیا۔
پشاور زلمی نے ٹام کوہلی کیڈمور، کوربن بوش، نجیب اللہ زدران، الزاری جوزف، ناہید رانا، محمد علی، عبدالصمد، حسین طلعت اور احمد دانیال کو حصہ بنایا۔
کراچی کنگز نے ڈیوڈ وارنر، ایڈم ملنے، لٹن داس، عباس آفریدی، خوشد شاہ، عامر جمال، عمیر بن یوسف اور دیگر کو منتخب کیا جب کہ کین ولیمسن اور محمد نبی کا بھی انتخاب کیا۔
اسلام آباد یونائیٹڈ میں میتھیو شارٹ، جیسن ہولڈر، ایندریو گوس، ریسی وین ڈر ڈوسن، سلمان ارشاد ، محمد نواز اور دیگر کا انتخاب کیا گیا۔
لاہور قلندرز نے نیوزی لینڈ کے ڈیرل مچل، سری لنکا کے کوشل پریرا، انگلینڈ کے ٹام کرن ، سیم بلنگز، رشاد حسین، آصف آفریدی، آصف علی، محمد نعیم اور دیگر کو ٹیم کا حصہ بنایا۔
کوئٹہ گلیڈی ایٹرز نے مارک چیپ مین، فن ایلن، ائل جمیسن، کوشل مینڈس، شان ایبٹ، شعیب ملک، فہیم اشرف، خرم شہزاد، دانش عزیز سمیت دیگر کو چنا۔
