UrduLead UrduLead
Related Articles
ورلڈ چیمپیئن شپ آف لیجنڈز کے دوسرے سیمی فائنل میں انڈین چیمپئنز نے آسٹریلیا کو ہرا دیا ہے ، انڈین چیمپیئنز آج فائنل میں پاکستان کیساتھ ٹکرائے گی۔
دونوں ٹیموں کے درمیان فائنل مقابلہ انگلینڈ کے برمنگھم کرکٹ سٹیڈیم میں کھیلا جائے گا، بھارت اور پاکستان کا فائنل میچ پاکستانی وقت کے مطابق رات 9 بجے شروع ہو گا۔
یونس خان کی قیادت میں پاکستان چیمپئینز کی ٹیم ٹورنامنٹ میں محض ایک شکست کیساتھ فائنل تک رسائی حاصل کرنے میں کامیاب ہوئی ہے جبکہ بھارتی ٹیم تین شکستوں کا منہ دیکھ چکی ہے، گروپ راؤنڈ کے میچ میں روایتی حریف کو پاکستان کے ہاتھوں 68 رنز سے شکست ہوئی تھی۔
شائقین کرکٹ کا کہنا ہے کہ مایوس کن پرفارمنس کے بعد لیجنڈز نے فائنل میں پہنچ کر دل جیت لیا ہے لیکن ہم چاہتے ہیں کہ پلئیرز 2007 کی شکست بدلہ لیں۔
قومی ٹیم کو ٹی20 ورلڈ کپ کے پہلے فائنل میں بھارت نے سنسنی خیزمقابلے کے بعد شکست سے دوچار کیا تھا اس میچ میں مصباح الحق کے ایک شارٹ نے انہیں توڑ کر رکھ دیا تھا۔
